Óljós skilaboð Salah vekja athygli

Mo Salah skoraði sigurmark Liverpool er liðið lagði Brighton, 2:1, í ensku úrvalsdeildinni í fótbolta á laugardag. Liðið fór upp í toppsæti deildarinnar með sigrinum.

Skilaboð Egyptans á samfélagsmiðlinum X eftir leik hafa vakið athygli, en þar gefur Salah í skyn að hann gæti yfirgefið Liverpool.

„Þetta lið á heima á toppnum, hvergi annars staðar. Öll lið vinna leiki en það er bara einn meistari í lokin. Það er það sem við viljum.

Takk fyrir stuðninginn. Sama hvað gerist, mun ég aldrei gleyma tilfinningunni við að skora á Anfield,“ skrifaði Salah á miðilinn.

• Blogga um frétt