Dýrkeypt víti reyndist rangur dómur
Setja bókamerki
Vítaspyrna sem West Ham United fékk í 2:1-sigri á Manchester United í ensku úrvalsdeildinni í knattspyrnu karla um þarsíðustu helgi var rangur dómur að mati Howards Webbs, formanns samtaka atvinnudómara á Englandi.
The Times greinir frá því að Webb hafi verið ósammála ákvörðuninni.
Tæplega sólarhring eftir tapið var Erik ten Hag rekinn úr starfi knattspyrnustjóra Manchester United og því útlit fyrir að ákvörðunin hafi reynst honum afar dýrkeypt, þó ekki sé útilokað að félagið hefði rekið hann ef leiknum hefði lyktað með jafntefli.
Staðan var 1:1 þegar Danny Ings féll við í vítateignum. Dómarinn David Coote dæmdi ekkert en skoðaði atvikið nánar eftir að VAR-dómarinn Michael Oliver hafði mælt með því.
Coote skipti í kjölfarið um skoðun, dæmdi brot á Matthijs de Ligt þó Ings virtist hafa handleikið knöttinn skömmu áður og Jarrod Bowen skoraði sigurmarkið úr spyrnunni á annarri mínútu uppbótartíma.
Hraunið náð Njarðvíkuræð: Fylgjast með raflínu
Hvað gerðist eiginlega í VMA?
Úlfar: Heppileg tímasetning á gosinu
Virknin dregist saman um 600 metra
Hraun fór yfir Grindavíkurveg
Átti ekki að láta pirring bitna á sjúklingi
Spara stórfé með olíukaupum ytra