Rauða spjaldið dregið til baka

Danski knattspyrnumaðurinn Christian Nörgaard er ekki á leiðinni í þriggja leikja bann eftir að rauða spjaldið sem hann fékk með Brentford gegn Everton í ensku úrvalsdeildinni á laugardag hefur verið dregið til baka.

Frétt af mbl.is

Rautt spjald í markalausu jafntefli (myndskeið)

Nörgaard fékk rautt spjald á 41. mínútu fyrir brot á Jordan Pickford í marki Everton. Var um óviljaverk að ræða því sá danski var að reyna að skora og lenti illa á Pickford.

Þrátt fyrir það ákvað Chris Kavanagh dómari að reka hann af velli eftir skoðun í VAR. Brentford áfrýjaði spjaldinu sem nú hefur verið dregið til baka.

• Blogga um frétt