Liverpool sannfærandi gegn City
Setja bókamerki
Liverpool vann sannfærandi sigur á Manchester City, 2:0, í ensku úrvalsdeildinni í fótbolta í dag. Með sigrinum náði Liverpool aftur níu stiga forskoti á toppi deildarinnar og í leiðinni ellefu stiga forskoti á Manchester City, sem er í fimmta sæti.
Liverpool byrjaði af miklum krafti og Dominik Szoboszlai átti tvö fín skot snemma leiks en Stefan Ortega í marki City varði frá honum í bæði skiptin. Virgil van Dijk skallaði svo í stöngina á 12. mínútu eftir horn.
Liverpool hélt áfram að sækja og Cody Gakpo skoraði fyrsta markið nokkrum sekúndum eftir skallann hjá van Dijk er hann potaði boltanum inn á fjærstöng eftir stórkostlega sendingu frá Mo Salah frá hægri.
Heimamenn fengu svo tvö færi til viðbótar á 19. mínútu. Fyrst skallaði van Dijk rétt framhjá af stuttu færi eftir horn og síðan skaut Gakpo vel yfir úr fínu fær í teignum. Trent Alexander-Arnold átti svo skot rétt framhjá utan teigs á 34. mínútu.
Rico Lewis átti eina færi City í fyrri hálfleik en hann setti boltann framhjá úr teignum með utanfótarskoti á 39. mínútu.
Var Liverpool því með forskot í hálfleik, 1:0.
Liverpool fékk enn og aftur gott færi á 56. mínútu þegar Salah slapp einn í gegn en hann lagði boltann yfir markið. Egyptinn átti svo skot utarlega í teignum á 63. mínútu en þá fór boltinn framhjá.
Salah varð hins vegar ekki á nein mistök á 77. mínútu þegar hann skoraði annað mark Liverpool af vítapunktinum eftir að Díaz var felldur innan teigs af Ortega.
Varamaðurinn Kevin De Bruyne fékk gott færi til að minnka muninn á 83. mínútu en Caoimhín Kelleher gerði vel í að verja frá þeim belgíska er hann var sloppinn í gegn.
Eftir það sigldi Liverpool verðskulduðum sigri af öryggi í höfn.
Aðrir virkir leikir
| Man. United | 4:0 | Everton |
|
|---|---|---|---|
| Leik lokið Sannfærandi sigur Manchester United staðreynd. | |||
| Ísland | 27:24 | Úkraína |
|
|---|---|---|---|
| Steinunn Björnsdóttir (Ísland) skoraði mark Ísland er að vinna sinn fyrsta sigur á lokamóti EM! | |||
Leiklýsing
| Liverpool | 2:0 | Man. City |
|
|---|---|---|---|
| Curtis Jones (Liverpool) á skot sem er varið Walker missir boltann á slæmum stað og nokkrum sekúndum síðar á Jones skot að marki en Ortega gerir vel í að verja. | |||
Ríkisstjórnin rassskellt
Framtíð VG óskýr
Ætlar ekki að mynda ríkisstjórn í viðtali
Halla fundar með formönnum á morgun
Sigurður Ingi: „Ég var að spila sókn“
Inga Sæland hallar sér upp að Kristrúnu
Beint: Hver verður næsta ríkisstjórn?
„Enginn sem er að læsa sig saman“