Telur Manchester City vera í allt annarri stöðu
Setja bókamerki
Jamie Carragher, sparkspekingur og fyrrverandi knattspyrnumaður Liverpool og enska landsliðsins, telur að Englandsmeistarar Manchester City séu í baráttu um efstu fjögur sætin.
Manchester City tapaði fyrir toppliði Liverpool, 2:0, á Anfield í gær en það var fjórði tapleikur liðsins í röð.
City situr nú í fimmta sæti ensku deildarinnar með 23 stig eftir 13 leiki en liðið hefur orðið Englandsmeistari fjögur ár í röð og í sex af síðustu sjö tímabilum.
Hins vegar er City-liðið nú ellefu stigum á eftir Liverpool.
„Ég sé ekki City koma til baka eftir þetta. City vinnur ekki deildina á þessu tímabili.
Þetta er smákreppa hjá Manchester City sem minnir á Liverpool fyrir tveimur árum. Ég held í alvöru að þeir gætu verið að berjast um að ná topp fjórum,“ sagði Carragher á SkySports en efstu fjögur sætin veita þátttöku í Meistaradeild Evrópu.
Kristrún komin með umboð
„Við bara reynum að þrýsta þessu fram“
„Höfum ákveðið að hefja viðræður“
Kristrún, Þorgerður og Inga funda kl. 15
Fundurinn hófst með söng: „Við stöndum þétt saman“
Voru með 5 sjúkrabíla í verkefnum á brautinni
