Skotinn tekur við í Lundúnum

Enska knattspyrnufélagið Millwall hefur ráðið Skotann Alex Neil sem knattspyrnustjóra karlaliðsins. Gerir hann þriggja ára samning við félagið. 

Neil tekur við af nafna sínum Neil Harris sem lét af störfum á dögunum eftir óheppileg ummæli um stuðningsmenn félagsins eftir tapleik, en hann kallaði stuðningsmenn sem bauluðu á liðið vitleysinga.

Neil stýrði síðast Stoke frá 2022 til 2023 og þar á undan Sunderland, Preston og Norwich. Hann kom síðastnefnda liðinu upp í ensku úrvalsdeildina en féll strax í kjölfarið.

Millwall er í 14. sæti B-deildarinnar með 28 stig eftir 14 leiki.  

• Blogga um frétt