„Kíki á úrslitin hjá Everton og brosi“

Franski knattspyrnumaðurinn Neal Maupay, sem leikur sem lánsmaður hjá Marseille í heimalandinu, skýtur föstum skotum á Everton sem er liðið sem hann er samningsbundinn.

Maupay gekk til liðs við Everton sumarið 2022 en hefur ekki átt sjö dagana sæla í Liverpool-borg og var lánaður til Brentford á síðasta tímabili áður en hann hélt að láni til Marseille.

Frétt af mbl.is

Ánægður með að komast frá Everton

Frétt af mbl.is

Líkti dvölinni hjá enska félaginu við fangelsisvist

„Alltaf þegar ég er að eiga slæman dag kíki ég á úrslitin hjá Everton og brosi,“ skrifaði Maupay á X-aðgangi sínum í gær eftir að liðið tapaði 0:2 fyrir Nottingham Forest í ensku úrvalsdeildinni.

Honum líkaði greinilega dvölin hjá Everton afar illa þar sem Maupay líkti henni við fangelsisvist í ágúst síðastliðnum.

• Blogga um frétt