Umdeilt jöfnunarmark Gordons (myndskeið)

Newcastle sigraði Tottenham 2:1 í ensku úrvalsdeild karla í knattspyrnu í fjörugum leik í London í dag.

Dominic Solanke kom Tottenham yfir eftir aðeins fjórar mínútur með flugskalla en Anthony Gordon jafnaði metin tveimur mínútum síðar. Boltinn fór í höndina á Joelington í uppbyggingu marksins en eftir VAR-skoðun var niðurstaðan sú að markið væri löglegt.

Alexander Isak skoraði svo sigurmark Newcastle á 38. mínútu þegar hann potaði boltanum í markið.

Svip­mynd­ir úr leikn­um má sjá í spil­ar­an­um hér fyr­ir ofan, en mbl.is fær­ir ykk­ur efni úr enska bolt­an­um í sam­vinnu við Sím­ann Sport.

• Blogga um frétt