Mættur aftur til æfinga hjá City

Norski knattspyrnumaðurinn Oscar Bobb hefur hafið æfingar að nýju með Englandsmeisturum Manchester City eftir að hafa verið frá vegna meiðsla undanfarna fimm mánuði.

Bobb fótbrotnaði á æfingu með liðinu í ágúst síðastliðnum, skömmu áður en yfirstandandi tímabil í ensku úrvalsdeildinni hófst.

Hann kom við sögu í Samfélagsskildinum stuttu áður en það er eini leikur Bobbs á tímabilinu til þessa.

Norðmaðurinn er 21 árs sóknartengiliður og kantmaður sem lék 26 leiki fyrir Man. City í öllum keppnum á síðasta tímabili og skoraði tvö mörk.

Bobb verður ekki með Man. City í ensku bikarkeppninni á morgun þegar liðið fær D-deildar lið Salford í heimsókn en færist nær því að spila aftur.

• Blogga um frétt