Carragher kallar eftir viðbrögðum frá Liverpool
Setja bókamerki
Jamie Carragher, sparkspekingur hjá Sky Sports, og fyrrverandi varnarmaður enska úrvalsdeildarfélagsins Liverpool, vill að félagið kaupi varnarmann áður en janúarglugganum verður lokað.
Liverpool gerði jafntefli við Nottingham Forest, 1:1, í toppslag ensku úrvalsdeildarinnar í Nottingjam í gær Liverpool er með sex stiga forskot á toppi úrvalsdeildarinnar á leik til góða.
Carragher setti inn færslu á samfélagsmiðilinn X í leikslok þar sem hann hvatti sitt fyrrverandi félag til þess að opna veskið.
Liverpool átti að vinna
„Liverpool átti að vinna þennan leik í kvöld,“ skrifaði Carragher á X.
„Þeir skapa sér alltaf færi, meira að segja í þeim leikjum þar sem þeim mistekst að vinna. Þeir eru hins vegar langt frá því að vera jafn öflugir varnarlega og þeir voru í upphafi tímabilsins.
Þeir eru alltaf líklegir til þess að fá á sig mark. Það verður að kaupa varnarmann,“ bætti Carragher við.
Verkföll í framhaldsskólum gætu orðið ótímabundin
Tugprósenta vöxtur í tilraunum til netárása
Mannabreytingar og skýr skilaboð
Finna annmarka á kosningum og vísa til Alþingis
„Þetta er okkar öflugasta eldstöð“
Ferðafólki bjargað af þaki bíla