Fjörugt fjögurra marka jafntefli í Birmingham

Ast­on Villa tók á móti Li­verpool í ensku úr­vals­deild­inni í fót­bolta í kvöld. Leikið var á Villa Park vell­in­um í Bir­ming­ham og endaði leik­ur­inn með fjög­urra marka jafn­tefli, 2:2.

Eft­ir leik­inn er Ast­on Villa í 9. sæti með 39 stig en Li­verpool er á toppi deild­ar­inn­ar með 61 stig, átta stig­um á und­an Arsenal sem á þó leik til góða.

Leik­ur­inn fór fjör­lega af stað og var mik­il bar­átta úti á vell­in­um áður en Mohamed Salah kom Li­verpool í for­ystu á 29. mín­útu. Andrés García, hægri bakvörður Ast­on Villa, gerði sig þá sek­an um slæm mis­tök en send­ing hans fór beint fyr­ir fæt­ur Di­ogo Jota. Jota gerði vel og lagði bolt­ann á Mohamed Salah sem setti bolt­ann í þak­netið og gest­irn­ir komn­ir yfir.

Mohamed Salah fagn­ar eft­ir að hafa skorað fyrsta mark leiks­ins. AFP/​Paul Ell­is

For­yst­an ent­ist ekki lengi en níu mín­út­um síðar hafði Youri Tielem­ans jafnað fyr­ir heima­menn. Eft­ir send­ingu utan af kanti og mik­inn skalla­tenn­is og darraðardans í víta­teig Li­verpool þá endaði bolt­inn hjá Tielem­ans. Belg­inn lét þá vaða með vinstri fæti og endaði bolt­inn í net­inu, óverj­andi fyr­ir Al­isson í marki gest­anna.

Það var síðan á þriðju mín­útu upp­bót­ar­tíma fyrri hálfleiks sem heima­menn komust yfir. Lucas Dig­ne átti þá frá­bæra fyr­ir­gjöf frá vinstri sem endaði á koll­in­um á Ollie Watkins. Enski fram­herj­inn skallaði bolt­ann full­kom­lega í markið fram­hjá hjálp­ar­laus­um Al­isson og heima­menn bún­ir að snúa leikn­um sér í vil.

Ollie Watkins fagn­ar marki sínu ásamt liðsfé­lög­um sín­um. AFP/​Paul Ell­is

Craig Paw­son, dóm­ari leiks­ins, flautaði til hálfleiks nokkr­um and­ar­tök­um síðar og leiddi Ast­on Villa með einu marki, 2:1, í hálfleik.

Li­verpool liðið var tölu­vert betra í upp­hafi seinni hálfleiks og hafði öll völd á vell­in­um. Það skilaði sér á 61. mín­útu þegar Trent Al­ex­and­er-Arnold jafnaði leik­inn. Hann og Mohamed Salah spiluðu þá sín á milli sem endaði með því að Al­ex­and­er-Arnold fékk bolt­ann rétt fyr­ir utan víta­teig Ast­on Villa. Hann lét þá vaða að marki, skotið fór af Tyrone Mings og þaðan fram­hjá Em­iliano Mart­inez í marki heima­manna.

Liðin skipt­ust á að sækja það sem eft­ir lifði leiks en ekk­ert gekk að koma bolt­an­um í netið og endaði leik­ur­inn því með fjög­urra marka jafn­tefli, 2:2.

Lýs­ing upp­fær­ist sjálf­krafa

All­ar lýs­ing­ar í beinni

Ast­on Villa	2:2	Li­verpool	Opna lýs­ingu Loka
90. mín. Ast­on Villa fær horn­spyrnu +2
Youri Tielemans (38. mín.) Ollie Watkins (45. mín.) Mörk Mohamed Salah (29. mín.) Trent Alexander-Arnold (61. mín.) Axel Disasi (23. mín.) Spjöld mín. 90 Leik lokið 2:2 - Þannig var nú það! Frábærum fótboltaleik á Villa Park lokið með fjögurra marka jafntefli. Tielemans og Watkins skoruðu fyrir Aston Villa en Salah og Alexander-Arnold fyrir Liverpool. Takk fyrir mig í kvöld. 90 Donyell Malen (Aston Villa) á skot framhjá +5 - Hollendingurinn svo nálægt því að vinna þetta í lok leiks! Hann slítur sig lausan frá varnarmönnum Liverpool og lætur vaða fyrir utan teig en skotið fer rétt framhjá markinu. 90 Matty Cash (Aston Villa) á skot sem er varið +4 - Pólverjinn reynir skot að marki fyrir utan teig en það fer tiltölulega beint á Alisson. 90 Morgan Rogers (Aston Villa) á skot yfir +3 - Ramsey setur boltann inn á teiginn á Rogers sem lætur vaða en skotið fer hátt yfir. 90 Aston Villa fær hornspyrnu +2 90 Uppbótartíminn verður að lágmarki fimm mínútur. 89 Jarell Quansah (Liverpool) kemur inn á 89 Conor Bradley (Liverpool) fer af velli 88 Þá liggur Conor Bradley í grasinu og virðist vera að fara af velli vegna meiðsla. 87 Liverpool fær hornspyrnu 86 Lamare Bogarde (Aston Villa) kemur inn á 86 John McGinn (Aston Villa) fer af velli 83 Liverpool fær hornspyrnu 82 Liverpool fær hornspyrnu 81 Jacob Ramsey skorar en er flaggaður rangstæður! Morgan Rogers setur hann í gegn og Ramsey klárar færið frábærlega en flaggið fer á loft og markið er dæmt af. 81 Luis Díaz (Liverpool) kemur inn á 81 Alexis Mac Allister (Liverpool) fer af velli 79 Aston Villa fær hornspyrnu 78 Ian Maatsen (Aston Villa) kemur inn á 78 Lucas Digne (Aston Villa) fer af velli 77 Aston Villa fær hornspyrnu 74 VÁ! Emiliano Martinez með stórkostlega björgun. Darwin Nunez vinnur boltann af Tyrone Mings og virðist vera sloppinn í gegn en Martinez kemur fljúgandi út úr markinu og tæklar boltann í burtu. Frábær björgun hjá Argentínumanninum. 69 Darwin Núnez (Liverpool) á skot yfir Dauðafæri hjá Nunez! Bradley á frábæra sendingu innfyrir á Szoboszlai sem rennir boltanum til hliðar þar sem Nunez setur boltann yfir markið fyrir nánast opnu marki! Disasi setti hann vissulega undir pressu en Úrúgvæinn átti svo sannarlega að gera betur þarna. 67 Jacob Ramsey (Aston Villa) kemur inn á Skiptingaflóð í Birmingham! 67 Marcus Rashford (Aston Villa) fer af velli 67 Donyell Malen (Aston Villa) kemur inn á 67 Marco Asensio (Aston Villa) fer af velli 67 Matty Cash (Aston Villa) kemur inn á 67 Andrés García (Aston Villa) fer af velli 66 Darwin Núnez (Liverpool) kemur inn á 66 Diogo Jota (Liverpool) fer af velli 66 Conor Bradley (Liverpool) kemur inn á 66 Trent Alexander-Arnold (Liverpool) fer af velli 65 Diogo Jota (Liverpool) á skalla sem fer framhjá Robertson með frábæra fyrirgjöf sem endar á kollinum á Jota en skallinn fer framhjá. 64 Liverpool liðið er töluvert ofan á þessa stundina. 63 Liverpool fær hornspyrnu 61 MARK! Trent Alexander-Arnold (Liverpool) skorar 2:2 - Frábær skyndisókn hjá Liverpool. Trent fær boltann og kemur honum á Mo Salah. Hann fer framhjá Lucas Digne og setur boltann aftur út á Alexander-Arnold. Hægri bakvörðurinn á skot að marki sem fer af Tyrone Mings og þaðan yfir Martinez í markinu. Allt orðið jafnt aftur! 60 Diogo Jota (Liverpool) á skot í þverslá Frábær tilraun hjá Portúgalanum. Hann fær boltann fyrir utan teig, rekur hann til hægri og lætur vaða en skotið fer í slána og yfir markið. 57 Dominik Szoboszlai (Liverpool) á skot sem er varið Alexander-Arnold á sendingu á Szoboszlai sem reynir skot að marki. Skotið fer af Mings og þaðan í fangið á Martinez. 56 Liverpool fær hornspyrnu 55 Liverpool fær hornspyrnu 50 Aston Villa fær hornspyrnu Alisson í skógarhlaupi! Sendingin kemur upp kantinn á Rashford, Alisson ætlar að bjarga en missir af boltanum. Rashford reynir skot að marki en Konaté bjargar í horn. 46 Seinni hálfleikur hafinn Engar breytingar á liðunum í hálfleik. 45 Hálfleikur 2:1 - Frábærum fyrri hálfleik lokið! Mohamed Salah kom Liverpool yfir áður en Youri Tielemans og Ollie Watkins snéru leiknum á haus rétt fyrir hálfleiksflautið. Seinni hálfleikurinn verður einhver veisla, komum með hann eftir tæpt korter. 45 MARK! Ollie Watkins (Aston Villa) skorar 2:1 - Frábært mark hjá Aston Villa! Boltinn endar úti á vinstri vængnum hjá Lucas Digne sem á frábæra fyrirgjöf sem endar á kollinum á Ollie Watkins. Enski landsliðsmaðurinn á frábæran skalla sem fer framhjá Alisson í markinu og heimamenn eru búnir að snúa þessu við! 45 Uppbótartími fyrri hálfleiks verður að lágmarki þrjár mínútur. 40 Curtis Jones (Liverpool) á skot framhjá Jones fær boltann fyrir utan teiginn og lætur vaða en skotið lekur framhjá fjærstönginni. 39 Diogo Jota (Liverpool) á skot framhjá HVAÐ VAR ÞETTA? Robertson á frábæra sendingu innfyrir í hlaupið hjá Jota. Portúgalinn er sloppinn í gegn og ætlar að setja boltann í fjær en hann er nær því að setja hann í innkast heldur en á markið. Ótrúleg tilraun hjá Jota þarna. 38 MARK! Youri Tielemans (Aston Villa) skorar 1:1 - Aukaspyrna utan af kanti endar með skallatennis inni í teig Liverpool. Boltinn dettur síðan fyrir fætur Youri Tielemans sem á skot með vinstri fæti framhjá Alisson í markinu. Allt orðið jafnt aftur! 35 Heimamenn eru í ákveðnu sjokki eftir þetta mark og ná ekki að tengja saman sendingar til þess að ógna gestunum af einhverju viti. 29 MARK! Mohamed Salah (Liverpool) skorar 0:1 - Þvílík mistök hjá García! Spánverjinn gefur boltann beint á Diogo Jota sem er sloppinn í gegn. Portúgalinn er óeigingjarn og leggur boltann til hliðar á Mohamed Salah sem setur boltann upp í þaknetið. Toppliðið komið yfir! 26 Mohamed Salah (Liverpool) á skalla yfir Andy Robertson með frábæra fyrirgjöf sem fer beint á kollinn á Salah. Egyptinn virtist ekki hafa neina trú á því að hann gæti skorað með skalla og skallar hann boltann hátt yfir. Skrítið að Egyptinn hafi ekki sjálfstraustið þarna en hann hefur verið eins og nýr dósabor sem bítur í gegnum allt á þessu tímabili og nánast skorað í hverri einustu tilraun sinni á mark andstæðinganna. 23 Axel Disasi (Aston Villa) fær gult spjald Alexis Mac Allister liggur eftir inni í teig Liverpool manna eftir hornspyrnuna. Hann var í baráttunni við Disasi sem virðist hafa slegið Argentínumanninn í andlitið. Pawson spjaldar hann réttilega. 22 Aston Villa fær hornspyrnu García fer auðveldlega framhjá Jones og nær fyrirgjöfinni sem Gravenberch skallar í horn. 19 Dominik Szoboszlai (Liverpool) á skot sem er varið FRÁBÆRLEGA GERT HJÁ JONES! Curtis Jones dansar með boltann framhjá varnarmönnum fyrir utan teig Aston Villa áður en hann rennir boltanum í hlaupið hjá Szoboszlai. Ungverjinn er kominn í gegn en þarf að teygja sig í boltann og Emi Martinez er mættur í grímuna á honum og étur hann. Vel gert hjá Martinez þarna. 18 Diogo Jota (Liverpool) á skot framhjá Konaté á flotta sendingu innfyrir vörn Villa sem endar með því að Jota nær skoti á lofti með vinstri en hann dregur það framhjá fjærstönginni. 17 Boltinn endar í netinu hjá Liverpool. Frábær spilamennska hjá Aston Villa endar með því að Rashford á fyrirgjöf sem fer af Robertson og í netið. Rashford er hinsvegar flaggaður rangstæður og er það hárréttur dómur. 14 Aston Villa fær hornspyrnu Fyrsta hornspyrna heimamanna í kvöld. 11 Aston Villa hefur komist betur inn í leikinn á síðustu mínútum. Ákefðin í leikmönnum er mikil og tæklingar fljúga hægri vinstri. 6 Diogo Jota (Liverpool) á skalla sem fer framhjá John McGinn á slaka sendingu út úr teignum sem fer beint á Alexander-Arnold. Enski bakvörðurinn á fyrirgjöf sem fer á kollinn á Jota sem skallar boltann framhjá markinu. 5 Góð spilamennska hjá Liverpool sem endar með skoti frá Jota en Tyrone Mings gerir vel og kemst fyrir það. 4 Liverpool fær hornspyrnu 4 Virgil van Dijk (Liverpool) á skot yfir Frábær sending frá Alexander-Arnold endar á van Dijk sem reynir skot með hægri fæti en skotið fer yfir markið. 3 Liverpool fær hornspyrnu 3 Ekki byrjar það vel fyrir Andrés García en fyrirgjöf frá Andrew Robertson fer beint í punginn á Spánverjanum og hann liggur eftir. Þetta er vont, versnar síðan og að lokum verður þetta bærilegt. 1 Leikur hafinn Það eru gestirnir frá Liverpool sem sparka þessu af stað, góða skemmtun! 0 Liðin ganga til leiks þessa stundina á Villa Park vellinum í Birmingham. Fyrirliðarnir John McGinn og Virgil van Dijk liða sín lið út á völlinn. Það styttist í þetta hjá okkur. 0 Dómari í kvöld er Craig Pawson og honum til aðstoðar eru maðurinn með erfiða nafnið, Constantine Hatzidakis, og Steve Meredith. Alex Chilowicz er síðan með fjarstýringuna í VAR herberginu í kvöld. 0 Liðin hafa mæst 56 sinnum í öllum keppnum í gegnum tíðina en þar hefur Liverpool yfirhöndina. Bítlaborgardrengirnir hafa unnið 33 viðureignir á meðan Aston Villa hefur unnið 11 leiki. 12 sinnum hafa liðin skilið jöfn. Fyrri leikur liðanna í deildinni endaði með 2:0 sigri Liverpool þar sem Darwin Nunez og Mohamed Salah skoruðu mörk Liverpool. 0 Bæði lið fóru hamförum í Meistaradeild Evrópu fyrir áramót og tryggðu sig örugglega í 16-liða úrslitin. Þar mætir Liverpool annaðhvort París SG eða Benfica en Aston Villa mætir annaðhvort Dortmund eða Club Brugge en dregið verður á föstudaginn. 0 Það er eitthvað um meiðslavandræði hjá báðum liðum þótt að vissulega herji þau meira á Aston Villa liðið. Leon Bailey, Ezri Konsa, Pau Torres, Amadou Onana, Boubacar Kamara og Ross Barkley eru allir meiddir. Hjá Liverpool eru Joe Gomez, Cody Gakpo og Tyler Morton frá vegna meiðsla. 0 Liverpool hefur unnið þrjá af síðustu fimm leikjum sínum í öllum keppnum og vann liðið Wolves í síðasta deildarleik sínum 2:1. Luis Díaz og Mohamed Salah gerðu mörk rauða hersins. 0 Aston Villa hefur unnið tvo af síðustu fimm leikjum í öllum keppnum en síðasti leikur liðsins var gegn Ipswich í deildinni og endaði hann með 1:1 jafntefli. Mark Villa skoraði Ollie Watkins. 0 Liverpool er hinsvegar á toppi deildarinnar með 60 stig eftir 25 leiki. Með sigri í kvöld eykur liðið forystu sína á Arsenal í tíu stig en Arsenal mun reyndar eiga leik til góða. Rauðir Lundúnarbúar munu hugsa vel til liðsmanna Aston Villa í kvöld og vonast til að liðið stríði Liverpool mönnum í kvöld. 0 Aston Villa situr í 9. sæti deildarinnar með 38 stig eftir 25 leiki og er liðið í harðri baráttu um að komast í Sambandsdeild Evrópu á næstu leiktíð. 0 Arne Slot, knattspyrnustjóri Liverpool, stillir upp sterku liði en áhugavert er að Luis Díaz er á varamannabekknum eftir flotta frammistöðu í síðasta leik Liverpool þar sem hann bæði skoraði og fiskaði vítaspyrnu. Curtis Jones kemur inn í liðið á hans kostnað. Our side to take on Aston Villa 👊 #AVLLIV — Liverpool FC (@LFC) February 19, 2025 0 Byrjunarliðin eru mætt í hús og stilla stjórarnir upp áhugaverðum liðum. Unai Emery gefur Marcus Rashford sinn fyrsta leik í byrjunarliði Villa frá því að hann kom frá Manchester United í janúar lok. Þá byrjar Marco Asensio einnig og hinn sjóðheiti Morgan Rogers er að sjálfsögðu í byrjunarliðinu. How we start to face Liverpool this evening 👊 #AVLLIV pic.twitter.com/gBUnpF6fZc — Aston Villa (@AVFCOfficial) February 19, 2025 0 Góða kvöldið og verið velkomin með mbl.is í beina textalýsingu frá leik Aston Villa og Liverpool í ensku úrvalsdeildinni í fótbolta. Sjá meira Sjá allt Aston Villa: (4-4-2) Mark: Emiliano Martínez. Vörn: Andrés García (Matty Cash 67), Axel Disasi, Tyrone Mings, Lucas Digne (Ian Maatsen 78). Miðja: Marco Asensio (Donyell Malen 67), Youri Tielemans, John McGinn (Lamare Bogarde 86), Morgan Rogers. Sókn: Ollie Watkins, Marcus Rashford (Jacob Ramsey 67). Varamenn: Robin Olsen (M), Oliwier Zych (M), Matty Cash, Donyell Malen, Ian Maatsen, Lamare Bogarde, Jacob Ramsey, Jamaldeen Jimoh. Liverpool: (4-3-3) Mark: Alisson. Vörn: Trent Alexander-Arnold (Conor Bradley 66, Jarell Quansah 89), Virgil van Dijk, Ibrahima Konaté , Andrew Robertson. Miðja: Dominik Szoboszlai, Ryan Gravenberch, Alexis Mac Allister (Luis Díaz 81). Sókn: Mohamed Salah, Diogo Jota (Darwin Núnez 66), Curtis Jones. Varamenn: Caoimhín Kelleher (M), Wataru Endo, Luis Díaz, Darwin Núnez, Federico Chiesa, Harvey Elliott, Kostas Tsimikas, Jarell Quansah, Conor Bradley. Skot: Aston Villa 5 (3) - Liverpool 13 (5) Horn: Liverpool 8 - Aston Villa 6. Lýsandi: Grétar Bragi Hallgrímsson Völlur: Villa Park Leikur hefst 19. feb. 2025 19:30 Aðstæður: Dómari: Craig Pawson Aðstoðardómarar: Constantine Hatzidakis og Steve Meredith

• Blogga um frétt