Liverpool nálgast titilinn óðfluga eftir sigur

Li­verpool tók á móti Newcastle í 27. um­ferð ensku úr­vals­deild­ar­inn­ar í fót­bolta í kvöld en leikið var á An­field vell­in­um í Li­verpool. Liðin buðu upp á skemmti­leg­an leik sem endaði með sigri heima­manna, 2:0.

Eft­ir leik­inn er Li­verpool á toppi deild­ar­inn­ar með 67 stig, þrett­án stig­um á und­an Arsenal sem á þó leik til góða. Newcastle er í sjötta sæti með 44 stig, þrem­ur stig­um frá fjórða sæti sem gef­ur sæti í Meist­ara­deild Evr­ópu á næsta tíma­bili.

Heima­menn stjórnuðu leikn­um frá A-Ö í fyrri hálfleik en þurftu þó að var­ast hraðar skynd­isókn­ir Newcastle-manna.

Fyrsta mark leiks­ins kom á 11. mín­útu þegar Luis Díaz átti góðan sprett upp vinstri kant­inn áður en hann lagði bolt­ann út á Dom­inik Szo­boszlai sem renndi bolt­an­um fram­hjá varn­ar­laus­um Nick Pope í marki gest­anna. Annað mark Ung­verj­ans í tveim­ur leikj­um en hann skoraði einnig í síðasta leik Li­verpool í deild­inni, sigri gegn Manchester City.

Call­um Wil­son, fram­herji Newcastle, fékk hættu­leg­asta færi gest­anna í hálfleikn­um þegar Dan Burn setti hann í gegn. Eng­lend­ing­ur­inn var með bolt­ann skopp­andi fyr­ir fram­an sig og reyndi að leggja bolt­ann í fjær­hornið en hann hitti bolt­ann illa og skotið fór tölu­vert fram­hjá mark­inu.

Dom­inik Szo­boszlai fagn­ar marki sínu í kvöld. AFP/​Paul Ell­is

Dom­inik Szo­boszlai reyndi að tvö­falda marka­fjölda sinn í kvöld með skoti á 36. mín­útu en það fór rétt fram­hjá mark­inu.

Meira markvert gerðist ekki í fyrri hálfleik og flautaði Stu­art Attwell, dóm­ari leiks­ins, hálfleik­inn af.

Seinni hálfleik­ur­inn fór ró­lega af stað og ein­kennd­ust fyrstu fimmtán mín­út­urn­ar af meiðslum og inn­komu sjúkraþjálf­ara beggja liða.

Á 63. mín­útu skoraði hins­veg­ar Al­ex­is Mac Allister annað mark Li­verpool í kvöld. Mac Allister vann þá bolt­ann af Sandro Tonali, miðju­manni Newcastle, og keyrði af stað í sókn. Arg­entínumaður­inn lagði bolt­ann út á Mohamed Salah sem tók til sín tvo varn­ar­menn áður en ann lagði bolt­ann aft­ur út á Mac Allister sem setti bolt­ann í fyrsta í fjær­hornið, gjör­sam­lega óverj­andi fyr­ir Nick Pope.

Cody Gakpo reyn­ir hjól­hesta­spyrnu að marki gest­anna í kvöld. AFP/​Paul Ell­is

Li­verpool liðið lokaði svo öll­um svæðum og gaf eng­in færi á sér það sem eft­ir lifði leiks. Mohamed Salah fékk besta færi heima­manna und­ir lok leiks þegar hann náði skoti að marki ut­ar­lega úr teign­um sem Nick Pope gerði vel í að verja.

Ekki gerðist meira sem hægt er að eyða orðum í áður en Stu­art Atwell flautaði til leiks­loka. Það er víst að stuðnings­mönn­um Li­verpool er farið að dreyma um að fagna titl­in­um eft­ir­sótta að tíma­bili loknu.

Lýs­ing upp­fær­ist sjálf­krafa

All­ar lýs­ing­ar í beinni

Li­verpool	2:0	Newcastle	Opna lýs­ingu Loka
90. mín. Upp­bót­ar­tími verður að lág­marki sjö mín­út­ur.
Dominik Szoboszlai (11. mín.) Alexis Mac Allister (63. mín.) Mörk Spjöld Jacob Murphy (80. mín.) mín. 90 Leik lokið 2:0 - Frábær heimasigur hjá Liverpool liðinu! Szoboszlai og Mac Allister sáu um markaskorunina í kvöld. Þetta er farið að líta ansi vel út og má segja að átta fingur séu komnir á bikarinn góða. Takk fyrir mig í kvöld. 90 Liverpool fær hornspyrnu +7 90 Liverpool fær hornspyrnu +5 90 Cody Gakpo (Liverpool) á skot framhjá +3 - Hollendingurinn nær að lyfta upp boltanum og reynir hjólhestaspyrnu en skotið fer rétt framhjá markinu. 90 Uppbótartími verður að lágmarki sjö mínútur. 90 Boltinn endar í netinu! Tsimikas tekur hornið og Konate hoppar upp með Pope. Pope missir boltann fyrir fæturnar á Gakpo sem setur hann yfir línuna en Attwell dæmir brot á Konate. 89 Liverpool fær hornspyrnu 88 Mohamed Salah (Liverpool) á skot sem er varið Szoboszlai og Salah enn og aftur að ná að spila saman. Boltinn endar hjá Egyptanum sem reynir skot að marki utarlega úr teignum en Pope varði vel. 87 Sean Longstaff (Newcastle) kemur inn á 87 Bruno Guimaraes (Newcastle) fer af velli 86 Darwin Núnez (Liverpool) kemur inn á 86 Luis Díaz (Liverpool) fer af velli 86 Curtis Jones (Liverpool) kemur inn á 86 Alexis Mac Allister (Liverpool) fer af velli 82 Alexis Mac Allister liggur á vellinum eftir baráttu við Guimaraes. Brasilíumaðurinn sendi boltann fram völlinn og skildi síðan takkana eftir í lærinu á Mac Allister. Illa gert hjá Guimaraes sem virðist ætla að sleppa með þetta. 80 Jacob Murphy (Newcastle) fær gult spjald Liverpool liðið kemst hratt upp völlinn og Murphy teikar Salah til að fá réttilega fyrsta gula spjald leiksins. 80 Newcastle fær hornspyrnu 77 Jarell Quansah (Liverpool) kemur inn á 77 Trent Alexander-Arnold (Liverpool) fer af velli 77 Wataru Endo (Liverpool) kemur inn á 77 Ryan Gravenberch (Liverpool) fer af velli 75 Newcastle fær hornspyrnu Fyrsta hornspyrna gestanna. 73 Luis Díaz (Liverpool) á skot framhjá VÁ! Trent Alexander-Arnold vinnur boltann inni í eigin vítateig og þrumar honum fram á Salah. Salah hleypur á Hall og kemur svo með utanfótar fyrirgjöf í hlaupið hjá Díaz sem er aðeins of seinn á fjærstönginni. Kólumbíumaðurinn nær þó skoti en það fer framhjá markinu. Enn og aftur frábær skyndisókn hjá heimamönnum. 68 Kieran Trippier (Newcastle) kemur inn á Ekki nema fjórföld skipting hjá Newcastle! 68 Valentino Livramento (Newcastle) fer af velli 68 Lewis Miley (Newcastle) kemur inn á 68 Sandro Tonali (Newcastle) fer af velli 68 William Osula (Newcastle) kemur inn á 68 Callum Wilson (Newcastle) fer af velli 68 Harvey Barnes (Newcastle) kemur inn á 68 Joe Willock (Newcastle) fer af velli 67 Liverpool fær hornspyrnu Fyrsta hornspyrna kvöldsins kemur á 67. mínútu. 65 Anthony Gordon kominn í hættulega stöðu nálægt marki Liverpool. Fyrrum Everton maðurinn leggur boltann út í teiginn en þar er bara enginn samherji og sóknin rennur út í sandinn. 63 MARK! Alexis Mac Allister (Liverpool) skorar 2:0 - Frábær skyndisókn! Tonali missir boltann á miðjunni og Mac Allister ber boltann upp áður en hann leggur boltann út til hægri á Salah. Salah dregur tvo menn í sig og leggur svo boltann aftur út á Mac Allister sem klárar með frábæru skoti í fjærhornið. Frábært mark. 62 Cody Gakpo (Liverpool) kemur inn á 62 Diogo Jota (Liverpool) fer af velli 59 Það er breyting væntanleg hjá Liverpool, Cody Gakpo er að gera sig kláran á varamannabekknum. 58 Það er lítið flæði í þessu þessa stundina. Mikið um brot og liðin ekki að ná spilköflum eins og í fyrri hálfleiknum. Það vonandi rætist úr þessu aftur. 53 Callum Wilson liggur enn eftir eftir samskipti sín við van Dijk og er með myndarlegan skurð fyrir ofan hægra augað. Hann virðist þó ætla að halda leik áfram. 51 HÖSKULDARVIÐVÖRUN! Leik Nottingham Forest og Arsenal var að ljúka og endaði hann með markalausu jafntefli. Það þýðir að ef leikurinn endar svona þá verður Liverpool með þrettán stiga forystu á toppi deildarinnar en Arsenal á þó ennþá leik til góða. Þetta er farið að líta ansi vel út fyrir Rauða Herinn. 50 Gordon á fyrirgjöf sem Callum Wilson reynir að ná til. Boltinn fer hinsvegar af bakinu á van Dijk og þaðan afturfyrir en Attwell dæmir markspyrnu við litla hrifningu Newcastle-manna. 47 Skotið frá Gordon er ekki gott og fer beint í andlitið á Szoboszlai sem var í varnarveggnum hjá heimamönnum. 47 Gestirnir fá aukaspyrnu á hættulegum stað, Anthony Gordon gerir sig líklegan til að taka hana. 46 Seinni hálfleikur hafinn Engar breytingar á liðunum og gestirnir sparka þessu aftur af stað. 45 Hálfleikur 1:0 - Það er mark Dominik Szoboszlai sem skilur liðin að þegar Stuart Attwell flautar til hálfleiks. Liverpool liðið hefur verið töluvert betra og stjórnað leiknum en Newcastle liðið er hættulegt í skyndisóknum. Ég mæti aftur með seinni hálfleikinn eftir tæpt korter. 45 Uppbótartími fyrri hálfleiks verður að lágmarki ein mínúta. 39 Mohamed Salah (Liverpool) á skot yfir Vörumerkjaskot hjá Salah. Díaz kemur boltanum til hans utarlega í teignum og Egyptinn ætlar að snúa boltann í fjær en skotið fer yfir markið. 36 Dominik Szoboszlai (Liverpool) á skot framhjá Jota gerir vel og leggur boltann út á Szoboszlai sem reynir skot að marki fyrir utan teig en það fer rétt framhjá fjærstönginni. 35 Mo Salah eltir vonlausan bolta fram völlinn sem endar hjá Pope. Pope reynir að senda boltann fram en skýtur beint í Salah og þaðan fer boltinn afturfyrir endalínu. Þarna var enski markvörðurinn heppinn. 31 Callum Wilson (Newcastle) á skot framhjá Dan Burn setur boltann innfyrir vörnina í hlaupið hjá Wilson sem er kominn í gegn. Hann er með boltann skoppandi fyrir framan sig og ætlar að leggja hann í fjær en skotið fer framhjá markinu. Hættulegasta færi gestanna hingað til. 29 Kostas Tsimikas (Liverpool) á skot framhjá Frábær sprettur hjá Luis Díaz! Hann hristir af sér einhverja þrjá varnarmenn gestanna áður en hann leggur boltann út á Tsimikas. Skot Grikkjans er hinsvegar það slakasta sem ég hef séð á þessu tímabili í deildinni og er nær því að fara í innkast heldur en á markið. 27 Undanfarnar mínútur hafa verið betri hjá gestunum. Þeir hafa stigið framar og ná að halda heimamönnum í skefjum. 26 Jahér og hér! Fabian Schär hangir í Diogo Jota en Portúgalinn kemst framhjá honum og Dan Burn. Þá ákveður Attwell að flauta á brotið þegar Jota var nánast kominn einn í gegn. Og á einhvern hátt þá sleppur Svisslendingurinn Schär án þess að fá spjald. 22 Frábær skyndisókn hjá Liverpool sem endar með að Diogo Jota var kominn í ákjósanlega stöðu. Í stað þess að skjóta á markið með vinstri þá reynir hann fyrirgjöf á Salah sem Lewis Hall nær að verjast. 17 Allt í einu var Callum Wilson kominn einn í gegn en skot hans fór framhjá markinu. Hann var reyndar rúmum metra fyrir innan og aðstoðardómarinn flaggaði hann réttilega rangstæðann. 16 Saga leiksins heldur áfram. Liverpool sækir og stjórnar en Newcastle liggur til baka og reynir að sækja hratt. 11 MARK! Dominik Szoboszlai (Liverpool) skorar 1:0 - Ungverjinn skorar annan leikinn í röð! Luis Díaz keyrir upp vinstri kantinn og leggur boltann inn á teiginn þar sem Szoboszlai er einn og óvaldaður við vítapunktinn. Ungverjinn sveiflar vinstri fætinum og klobbar bæði Tonali og Burn áður en boltinn endar í markinu. Þarna mátti Nick Pope alveg gera betur í marki gestanna. 11 Á fyrstu 10 mínútunum hefur Liverpool verið 88% með boltann. 7 Þetta er að þróast eins og við bjuggumst við. Liverpool liðið er með boltann og stjórnina en gestirnir verjast djúpt og freistast þess að sækja hratt. 3 Mohamed Salah fer niður inni í vítateig Newcastle eftir baráttu við Lewis Hall. Stuart Attwell dómari dæmir hinsvegar brot á Salah. Þetta var skrýtinn dómur. 1 Leikur hafinn Það eru heimamenn sem byrja þennan leik, góða skemmtun! 0 Það var gerð dómarabreyting en Stuart Attwell er með flautuna en ekki Chris Kavanagh eins og upphaflega stóð til. 0 Liðin ganga nú til leiks á Anfield Road leikvanginum í Liverpool. Það er drauma fótboltaveður, logn og smá úði þannig að þetta gerist ekki betra! 0 Liðin hafa mæst 56 sinnum og hefur Liverpool unnið 35 leiki, 12 leikir hafa endað með jafntefli og Newcastle hefur unnið 9 leiki. Síðast þegar þessi lið mættust þá var það á heimavelli Newcastle fyrr á leiktíðinni og endaði sá leikur með sex marka jafntefli, 3:3. Isak, Gordon og Schär skoruðu fyrir Newcastle en Mohamed Salah gerði tvö og Curtis Jones eitt fyrir Liverpool. 0 Það verður Chris Kavanagh sem blæs í flautuna í kvöld og á flöggunum honum til aðstoðar verða þeir Simon Bennett og Dan Robathan. Þá mun Matt Donohue halda um fjarstýringuna í VAR herberginu góða. 0 Það er eitthvað aðeins um meiðsli hjá báðum liðum. Hjá Liverpool eru Conor Bradley, Joe Gomez og Tyler Morton frá vegna meiðsla og hjá Newcastle eru Alexander Isak, Sven Botman, Jamal Lascelles og Joelinton meiddir. 0 Newcastle hefur unnið þrjá leiki af síðustu fimm og vann liðið Nottingham Forest í æsispennandi leik um helgina, 4:3. Lewis Miley, Jacob Murphy skoruðu sitthvort markið og Alexander Isak gerði tvö. 0 Liverpool hefur unnið tvo af síðustu fimm leikjum í öllum keppnum en liðið vann gríðarlega sterkan útisigur á Manchester City í síðustu umferð, 2:0. Mörk Liverpool skoruðu Mohamed Salah og Dominik Szoboszlai. 0 Liverpool er á toppi ensku úrvalsdeildarinnar með 66 stig eftir 27 leiki og eru 11 stigum á undan Arsenal sem þó eiga leik til góða. Arsenal spilar einnig í kvöld en liðið mætir Nottingham Forest á útivelli og er sá leikur að hefjast nú klukkan 19:30. 0 Stóru fréttirnar í liðsuppstillingu Newcastle eru þær að það er enginn Alexander Isak en hann er að glíma við smávægileg nárameiðsl og missir því af leiknum í kvöld. Callum Wilson leiðir því línuna hjá þeim svarthvítu. Þá eru Sandro Tonali og Joe Willock ásamt Bruno Guimaraes á miðjunni. HOWAY NEWCASTLE! 👊 pic.twitter.com/0VTHAMbSAr — Newcastle United (@NUFC) February 26, 2025 0 Heimamenn stilla upp nokkuð hefðbundnu liði í kvöld en Andy Robertson og Curtis Jones fara á bekkinn í stað Kostas Tsimikas og Diogo Jota. Up the Reds ✊🔴 #LIVNEW — Liverpool FC (@LFC) February 26, 2025 0 Arne Slot, knattspyrnustjóri Liverpool, er ekki á hliðarlínunni í kvöld en hann fékk tveggja leikja bann í dag fyrir rauða spjaldið sem hann fékk eftir leik liðsins gegn Everton á dögunum. Johny Heitinga, aðstoðarþjálfari, stýrir þess vegna liði Liverpool í kvöld. 0 Liverpool er í toppsætinu með 64 stig, ellefu stiga forskot á Arsenal. Newcastle er í sjötta sæti með 44 stig. 0 Gott kvöld og verið velkomin með mbl.is í beina textalýsingu frá leik Liverpool og Newcastle í ensku úrvalsdeildinni í fótbolta. Sjá meira Sjá allt Liverpool: (4-3-3) Mark: Alisson. Vörn: Trent Alexander-Arnold (Jarell Quansah 77), Ibrahima Konaté , Virgil van Dijk, Kostas Tsimikas. Miðja: Dominik Szoboszlai, Ryan Gravenberch (Wataru Endo 77), Alexis Mac Allister (Curtis Jones 86). Sókn: Mohamed Salah, Diogo Jota (Cody Gakpo 62), Luis Díaz (Darwin Núnez 86). Varamenn: Caoimhín Kelleher (M), Wataru Endo, Darwin Núnez, Federico Chiesa, Curtis Jones, Cody Gakpo, Harvey Elliott, Andrew Robertson, Jarell Quansah. Newcastle: (4-3-3) Mark: Nick Pope. Vörn: Valentino Livramento (Kieran Trippier 68), Fabian Schär, Dan Burn, Lewis Hall. Miðja: Bruno Guimaraes (Sean Longstaff 87), Sandro Tonali (Lewis Miley 68), Joe Willock (Harvey Barnes 68). Sókn: Jacob Murphy, Callum Wilson (William Osula 68), Anthony Gordon. Varamenn: Martin Dúbravka (M), John Ruddy (M), Kieran Trippier, Matt Targett, Harvey Barnes, Emil Krafth , William Osula, Sean Longstaff, Lewis Miley. Skot: Liverpool 8 (3) - Newcastle 1 (0) Horn: Newcastle 2 - Liverpool 4. Lýsandi: Grétar Bragi Hallgrímsson Völlur: Anfield Leikur hefst 26. feb. 2025 20:15 Aðstæður: Dómari: Stuart Attwell Aðstoðardómarar:

• Blogga um frétt