„Hver er tilgangurinn?“

Eddie Howe, knatt­spyrn­u­stjóri Newcastle United, seg­ir fé­lagið að vel ígrunduðu máli hafa ákveðið að áfrýja ekki rauðu spjaldi Ant­honys Gor­dons í tapi fyr­ir Bright­on í ensku bik­ar­keppn­inni um síðustu helgi.

Gor­don fer í þriggja leikja bann og miss­ir þar með af næstu tveim­ur deild­ar­leikj­um Newcastle og úr­slita­leik gegn Li­verpool í enska deilda­bik­arn­um aðra helgi.

Frétt af mbl.is

Miss­ir af úr­slita­leikn­um gegn Li­verpool

„Þetta er alltaf eitt­hvað sem þarf að ræða og við gerðum það við fólkið sem við þurft­um að ræða við hjá fé­lag­inu, lög­fræðinga og þess hátt­ar. Okk­ur fannst ekki nægi­leg­ur grund­völl­ur til þess.

Það var eng­inn brota­vilji hjá Ant­hony, hann ætlaði ekki að meiða neinn. En maður verður að skoða þetta og velta því fyr­ir sér hvort það sé ein­hver mögu­leiki á því að vinna áfrýj­un­ina.

Ef það er eng­inn mögu­leiki á því, hver er þá til­gang­ur­inn? Ant­hony skil­ur það,“ sagði Howe á frétta­manna­fundi í morg­un.

• Blogga um frétt