Daninn framlengir til 2027

Danski landsliðsmaður­inn og fyr­irliði Brent­ford, Christian Norga­ard, hef­ur fram­lengt samn­ing sinn við Brent­ford til árs­ins 2027 en þetta til­kynnti fé­lagið í dag.

Norga­ard, sem er 31 árs gam­all, hef­ur verið lyk­ilmaður á miðju Brent­ford allt frá því hann kom til fé­lags­ins árið 2019 frá Fior­ent­ina á Ítal­íu.

Sögu­sagn­ir höfðu verið um að lið eins og Bour­nemouth, Evert­on og Ful­ham hafi haft áhuga á því að fá danska miðju­mann­inn til liðs við sig eft­ir að samn­ing­ur hans við Brent­ford rynni út í sum­ar.

Nú er ljóst að svo verður ekki eft­ir að hann fram­lengdi samn­ing sinn við fé­lagið.

Landi Norga­ard og stjóri Brent­ford, Thom­as Frank, var yfir sig ánægður með það að fyr­irliði hans hafi ákveðið að fram­lengja.

„Þessi samn­ing­ur var eng­in spurn­ing fyr­ir okk­ur og Christian. Hann hef­ur verið ómiss­andi hluti af þess­ari frá­bæru veg­ferð sem við höf­um verið á síðustu sex ár. Hann er fyr­irliði fé­lags­ins og einn af okk­ar mik­il­væg­ustu leik­mönn­um,“ sagði Frank.

• Blogga um frétt