Lánlausir United-menn lágu fyrir Forest

Nott­ing­ham For­est vann drama­tísk­an 1:0-sig­ur gegn Manchester United í 30. um­ferð ensku úr­vals­deild­ar­inn­ar í knatt­spyrnu í kvöld.

For­est er áfram í þriðja sæti deild­ar­inn­ar með 57 stig en United sit­ur í 13. sæti með 37 stig.

Leik­ur­inn fór af stað með lát­um en strax á fjórðu mín­útu komust heima­menn yfir. Það kom eft­ir skynd­isókn þar sem Sví­inn Ant­hony Elanga keyrði frá sín­um eig­in vall­ar­helm­ing að teig United og lagði bolt­ann í hægra hornið, 1:0.

United var hættu­legri aðil­inn í fyrri hálfleik og var tölu­vert meira með bolt­ann.

Di­ogo Dalot var ná­lægt því að jafna met­in á 28. mín­útu þegar hann átti skalla í slána eft­ir horn­spyrnu. Sam­herji hans Matt­hjis de Ligt náði frá­kast­inu en Matz Sels varði laust skot hans.

Staðan í hálfleik 1:0, Nott­ing­ham For­est í vil.

Síðari hálfleik­ur var tölu­vert ró­legri en sá fyrri. Heima­menn voru þétt­ir fyr­ir og átti United í erfiðleik­um með að skapa sér færi. 

Mik­il hætta skapaðist þegar Harry Maguire kom inn á í fram­línu United. Hann var tví­veg­is ná­lægt því að jafna met­in.

Á 90. mín­útu átti Maguire skalla rétt fram­hjá mark­inu eft­ir góðan und­ir­bún­ing frá Dan­an­um Pat­rick Dorgu. Á síðustu mín­útu upp­bót­ar­tíma bjargaði varn­ar­maður­inn Murillo á línu frá Maguire.

Lok­aniðurstaðan því 1:0-sig­ur heima­manna.

Lýs­ing upp­fær­ist sjálf­krafa

All­ar lýs­ing­ar í beinni

Nott­ing­ham F.	1:0	Man. United	Opna lýs­ingu Loka
90. mín. Neco Williams (Nott­ing­ham F.) á skot fram­hjá
Anthony Elanga (5. mín.) Mörk Neco Williams (71. mín.) Spjöld Casemiro (50. mín.) Alejandro Garnacho (66. mín.) Christian Eriksen (78. mín.) mín. 90 Leik lokið Forest vinnur dramatískan sigur. 90 Harry Maguire (Man. United) á skot sem er varið +7 Bjargað á línu! Mazraoui á fyrirgjöf inn á teiginn. Boltinn hrekkur fyrir Maguire sem á laust skot af stuttu færi en Murillo bjargar á línu. 90 +6 United sækir an afláts þessa stundina. 90 Harry Maguire (Man. United) á skalla sem fer framhjá Dauðafæri! Dorgu með góða fyrirgjöf frá vinstri á kollinn á Maguire sem skallar boltann rétt framhjá. 90 Það verða að lágmarki sex mínútur í uppbótartíma. 90 Neco Williams (Nottingham F.) á skot framhjá 89 Man. United fær hornspyrnu 88 Harry Maguire (Man. United) kemur inn á Snýr aftur eftir meiðsli beint í framlínuna. Allt gert til að jafna leikinn. 88 Leny Yoro (Man. United) fer af velli 85 Ibrahim Sangré (Nottingham F.) kemur inn á 85 Taiwo Awoniyi (Nottingham F.) fer af velli 85 Ramón Sosa (Nottingham F.) kemur inn á 85 Anthony Elanga (Nottingham F.) fer af velli 84 Ryan Yates (Nottingham F.) á skot framhjá Langt framhjá. 82 Elanga við það að sleppa í gegn en Yoro á stórkostlega tæklingu til að stöðva Svíann. 80 Mason Mount (Man. United) á skot framhjá Mount nálægt því að jafna! Fær boltann í D-boganum á skot rétt framhjá. 78 Mason Mount (Man. United) kemur inn á Fyrsti leikur Mount síðan í desember á síðasta ári. 78 Joshua Zirkzee (Man. United) fer af velli 78 Christian Eriksen (Man. United) fær gult spjald Stöðvar skyndisókn. 77 Man. United fær hornspyrnu 76 Patrick Dorgu (Man. United) á skalla sem er varinn Fyrirgjöf Bruno finnur Dorgu sem á fastan skalla en Sels ver þetta þægilega. 73 Alejandro Garnacho (Man. United) á skot framhjá Skot langt framhjá markinu. 72 Rasmus Höjlund (Man. United) á skalla sem er varinn Beint á Sels. 71 Neco Williams (Nottingham F.) fær gult spjald 70 Alejandro Garnacho (Man. United) á skot framhjá Boltinn dettur fyrir Garnacho á fjærstönginni sem á fast skot framhjá markinu. 69 Man. United fær hornspyrnu 69 Alejandro Garnacho (Man. United) á skot framhjá Hröð sókn hjá United sem endar með skoti Garnacho í Yates og þaðan aftur fyrir. 68 Frekar bragðdaufur síðari hálfleikur hingað til. Forest-menn verjast vel og United ekki að ná að skapa sér færi. 67 Nicolás Dominguez (Nottingham F.) kemur inn á 67 Elliot Anderson (Nottingham F.) fer af velli 66 Alejandro Garnacho (Man. United) fær gult spjald Dæmdur rangstæður og sparkar síðan boltanum í burtu og fær gult. Afar heimskulegt. 64 Man. United fær hornspyrnu 60 Nottingham F. fær hornspyrnu 59 Christian Eriksen (Man. United) kemur inn á Þrír Danir inni á vellinum. 59 Casemiro (Man. United) fer af velli 58 Alejandro Garnacho (Man. United) á skot yfir Garnacho með ágætis tilraun rétt yfir markið. 51 Morgan Gibbs-White (Nottingham F.) á skot yfir Reynir skot utarlega í teignum sem endar hátt yfir markinu. 50 Casemiro (Man. United) fær gult spjald Of seinn í tæklingu á Yates. 48 Nottingham F. fær hornspyrnu Yates á skot í Casemiro og aftur fyrir. 47 Casemiro (Man. United) á skalla sem er varinn Laus skalli beint í fangið á Sels. 47 Man. United fær hornspyrnu 47 Rasmus Höjlund (Man. United) á skot framhjá Höjlund með skot í varnarmann og aftur fyrir. 46 Seinni hálfleikur hafinn Sóknarskipting hjá United í hálfleik. 46 Rasmus Höjlund (Man. United) kemur inn á 46 Manuel Ugarte (Man. United) fer af velli 45 Hálfleikur Gillett flautar til hálfleiks í Skírisskógi. Forest leiðir eftir mark snemma leiks frá Anthony Elanga. 45 Casemiro (Man. United) á skot framhjá +6 Bruno leggur hann á Casemiro sem á fast skot af löngu færi framhjá markinu. 45 +4 Garnacho næstum því sloppinn í gegn en Milenkovic stöðvar hann á ögurstundu. 45 Morato (Nottingham F.) á skalla sem er varinn +2 Morato á lausan skalla sem Onana hirðir. 45 Sex mínútur í uppbótartíma. 40 Morato (Nottingham F.) kemur inn á Danilo fer líka af velli. Virðist vera taktísk breyting. 40 Danilo (Nottingham F.) fer af velli 39 Alex Moreno (Nottingham F.) kemur inn á 39 Ola Aina (Nottingham F.) fer af velli 38 Aina getur ekki haldið áfram og er farinn inn í búningsklefa. Forest eru manni færri þessa stundina. 36 Ola Aina er sestur í grasið og er að fá aðhlynningu. 34 Nottingham F. fær hornspyrnu Fyrsta hornspyrna Forest í leiknum. 28 Matthjis de Ligt (Man. United) á skot sem er varið Boltinn dettur síðan fyrir de Ligt sem á laust skot sem Sels ver. 28 Diogo Dalot (Man. United) á skalla í þverslá Sláin! Hornspyrnan finnur Dalot á nærstönginni sem á skalla í slána. 27 Man. United fær hornspyrnu 25 United töluvert meira með boltann þessa stundina án þess að skapa sér dauðafæri. 15 Man. United fær hornspyrnu 15 Man. United fær hornspyrnu Þrátt fyrir mark Forest hefur United hættulegri aðilinn á upphafsmínútunum. 13 Casemiro (Man. United) á skalla sem fer framhjá Hornspyrnan ratar á Casemiro aleinan á nærstönginni sem skallar boltann framhjá. 12 Man. United fær hornspyrnu Yates með stórfurðulega sendingu aftur fyrir í horn. 7 Bruno Fernandes (Man. United) á skalla sem er varinn Fyrirgjöf frá Dalot á hægri kantinum sem finnur kollinn á Bruno en skalli hans er laflaus og beint á Sels. 5 MARK! Anthony Elanga (Nottingham F.) skorar 1:0 - Elanga skorar gegn sínum gömlu félögum! Skyndisókn eftir hornspyrnu United, Elanga keyrir með boltann frá sínum eigin vallarhelmingi og leggur boltann snyrtilega í hægra hornið. Ótrúlegur sprettur Svíans. 4 Man. United fær hornspyrnu 4 Bruno Fernandes (Man. United) á skot sem er varið Hörkuskot fyrir utan teig sem Sels ver aftur fyrir í horn. Fín tilraun hjá Portúgalanum. 1 Leikur hafinn Þetta er farið af stað í Skírisskógi! Það eru gestirnir sem byrja með boltann í kvöld. 0 Ruben Amorim, stjóri Manchester United, gerir fjórar breytingar á byrjunarliðinu frá sigri liðsins á Leicester. Rasmus Höjlund, Christian Eriksen og Victor Lindelöf fara á bekkinn en Ayden Heaven er frá vegna meiðsla. Í stað þeirra koma Joshua Zirkzee, Casemiro, Leny Yoro og Patrick Dorgu. 0 Það er ein breyting á byrjunarliði Forest frá síðasta leik. Anthony Elanga kemur inn í stað Nicolas Dominguez. Markahrókurinn Chris Wood er enn að kljást við meiðsli og er ekki á bekknum hjá Forest í kvöld. 0 Manchester United lagði Leicester að velli, 3:0, í síðasta leik. Bruno Fernandes, Alejandro Garnacho og Rasmus Höjlund skoruðu mörk liðsins. 0 Forest vann Brighton í átta liða úrslitum enska bikarsins síðustu helgi. Liðið mun mæta Manchester City á Wembley í undanúrslitunum í lok apríl. 0 Nottingham Forest hafði betur í fyrri leik liðanna á tímabilinu, 3:2. Chris Wood, Morgan Gibbs-White og Nikola Milenkovic skoruðu mörk Forest-manna en Bruno Fernandes og Rasmus Höjlund gerðu mörk United. 0 Leikurinn er liður í 30. umferð deildarinnar en Nottingham Forest er í þriðja sæti með 54 stig og Manchester United í 13. með 37. 0 Gott kvöld og verið velkomin með mbl.is í beina textalýsingu frá leik Nottingham Forest og Manchester United í ensku úrvalsdeildinni. Sjá meira Sjá allt Nottingham F.: (4-3-3) Mark: Matz Sels. Vörn: Ola Aina (Alex Moreno 39), Nikola Milenkovic, Murillo, Neco Williams. Miðja: Ryan Yates, Morgan Gibbs-White, Danilo (Morato 40). Sókn: Anthony Elanga (Ramón Sosa 85), Taiwo Awoniyi (Ibrahim Sangré 85), Elliot Anderson (Nicolás Dominguez 67). Varamenn: Carlos Miguel (M), Morato, Ibrahim Sangré, Harry Toffolo, Nicolás Dominguez, Alex Moreno, Jota Silva, Ramón Sosa, Willy Boly. Man. United: (3-4-3) Mark: André Onana. Vörn: Leny Yoro (Harry Maguire 88), Matthjis de Ligt, Noussair Mazraoui. Miðja: Diogo Dalot, Casemiro (Christian Eriksen 59), Manuel Ugarte (Rasmus Höjlund 46), Patrick Dorgu. Sókn: Bruno Fernandes, Joshua Zirkzee (Mason Mount 78), Alejandro Garnacho. Varamenn: Altay Bayindir (M), Victor Lindelöf, Harry Maguire, Mason Mount, Rasmus Höjlund, Christian Eriksen, Sekou Kone, Toby Collyer, Harry Amass. Skot: Man. United 17 (8) - Nottingham F. 5 (2) Horn: Nottingham F. 3 - Man. United 10. Lýsandi: Hafliði Hafþórsson Völlur: City Ground Leikur hefst 1. apr. 2025 19:00 Aðstæður: Í Nottingham eru 14 gráður Dómari: Jarred Gillett Aðstoðardómarar: Darren Cann og Marc Perry

• Blogga um frétt