Ég verð hvort eð er rekinn

Ange Postecoglou, knatt­spyrn­u­stjóri Totten­ham, sagði á frétta­manna­fundi í dag að það skipti engu máli þó lið hans myndi vinna Evr­ópu­deild­ina í vor. Hann yrði hvort eð er rek­inn.

Ensk­ir fjöl­miðlar flokka um­mæl­in sem sögð „í létt­um dúr,“ en tóku fram að Ástr­al­an­um hefði ekki stokkið bros þegar hann lét þau falla.

„Ég held að við get­um aldrei sann­fært einn eða neinn. Þó við mynd­um vinna Evr­ópu­deild­inna yrði ég hvort eð er rek­inn. Það er al­menn skoðun. Við get­um því ekki notað þetta sem hvatn­ingu, við þurf­um eitt­hvað meira. Fyr­ir okk­ur skipt­ir mestu máli að við höf­um gengið í gegn­um erfiða tíma en erum samt í þeirri stöðu að geta látið til okk­ar taka," sagði Postecoglou.

Totten­ham leik­ur í kvöld fyrri leik­inn gegn Eintracht Frankfurt í átta liða úr­slit­um Evr­ópu­deild­ar­inn­ar og leikið er í London. Seinni leik­ur­inn fer fram í Þýskalandi næsta fimmtu­dag.

Liðinu hef­ur gengið afar illa í ensku úr­vals­deild­inni í vet­ur og sit­ur þar í fjór­tánda sæti þegar sjö um­ferðum er ólokið.

• Blogga um frétt