Heimsmeistaramótinu í Dota 2 lauk um helgina, en mótið var haldið í Búkarest í Rúmeníu. Átján lið tóku þátt og kepptust um heimsmeistaratitilinn, en liðið Team Spirit stóð uppi sem sigurvegari.

Komu á óvart og urðu heimsmeistarar

Team Spirit mætti liði PSG.LGD í lokaúrslitaviðureign mótsins og lauk henni með 3-2 sigri Team Spirit í viðureigninni. Team Spirit unnu fyrstu tvo leiki viðureignarinnar og PSG.LGD næstu tvo. Staðan var því 2-2 og var síðasti leikurinn hreinn úrslitaleikur, sem lauk með sigri Team Spirit.

Var liði Team Spirit ekki spáð sigri í mótinu og eru úrslit mótsins talin hafa komið virkilega á óvart þar sem Team Spirit spilaði langt yfir væntingum. 

Halda Team Spirit heim á leið sem heimsmeistarar í Dota 2 og rúmlega tveimur milljörðum króna ríkari. Er um gríðarlega háa upphæð að ræða, en mót í leiknum Dota 2 eru þau mót sem hefa mest verðlaunafé allra rafíþrótta.   

Tengdar fréttir

Dota

Gamlar kempur í nýju Dota2 liði

• Hakkavélarnar byrja sem þjálfarar
• Dota 2: „Náum alltaf að toppa“
• Alvöru keyrsla Snorra og dverganna
• „Við elskum Búðardal“

» Fleiri tengdar fréttir

• Blogga um frétt