PewDiePie hættur að drekka

Tölvuleikjastreymirinn PewDiePie tjáir sig opinberlega um áfengisfíkn í myndbandi á YouTube og segist vera hættur að drekka.

Drakk daglega

Áfengisvandamál eru víða og geta herjað á hvern sem er óháð stöðu fólks. PewDiePie birti myndband af sér á YouTube þar sem hann viðurkennir að hann hafi átt við áfengisvandamál að stríða í þó nokkurn tíma.

Hann hefur verið fastur í dagdrykkju og að kljást við ýmis huglæg vandamál en hann telur sig nú vera frjálsan frá áfenginu.

Fráhvörf og svefnvandamál

Það var þó ekki auðvelt fyrir hann að hætta því gekk hann í gegnum fráhvörf að neyslu lokinni og átti við svefnvandamál að stríða í langan tíma.

Þrátt fyrir að vera hættur að drekka telur hann sig enn sitja uppi með fíknina og hefur hún færst yfir á nikótínpúða sem áhorfendur hafa stundum tekið eftir í myndböndunum hans.

PewDiePie talar einnig um andlegar og heimspekilegar bækur sem hann hefur verið að lesa og nýttust þær honum í að bera kennsl á vandamálið og koma sér út úr vítahringnum.

Umrætt myndband má horfa á hér fyrir neðan.

• Blogga um frétt