Dýfði Kit Kat í Vogaídýfu

Skemmtikrafturinn Halldór Már, einnig þekktur sem Dói, hefur reglulega verið að deila myndböndum af sér á Twitch-rás GameTíví þar sem hann dýfir ýmsum handahófskenndum mat jafnt sem nammi ofan í hina sígildu Vogaídýfu frá Vogabæ.

Dýfir nammi af handahófi

Myndböndin eru klippt úr mánudags þáttinum á GameTíví en þau eru orðin fimm talsins og hægt er að finna klippurnar undir nafninu „Dói Dýfir“.

Í nýjustu klippunni smakkar hann meðal annars sérstaka tegund af súkkulaðinu Kit Kat en hann hafði fengið það sent frá London. 

Tók sopa af ídýfunni

Dói dýfir einnig sterkum og súrum nammimolum í ídýfuna en virðist sterki molinn hafa verið einstaklega sterkur þar sem Dói tekur stuttu seinna sopa af ídýfunni til þess að kæla bragðið niður.

Hægt er að horfa á myndbandið í heild sinni hér að neðan eða á Twitch rás GameTíví.

• Blogga um frétt