Hermt eftir Lion King á GameTíví

Strákarnir í GameTíví fóru ótroðnar slóðir í tölvuleiknum Call of Duty: Warzone þar sem þeir prófuðu nýja kortið, Caldera, í fyrradag á mánudagsstreyminu.

Caldera hefur fengið umdeilda umfjöllun víðsvegar á netinu þar sem margir leikmenn um heim allan voru óánægðir með villur og gloppur sem finnast innanleikjar og má eflaust rekja það til verkfalls þróunaraðila leiksins.

Veittu áhorfendum innsýn

Spiluðu þeir í þrjár og hálfa klukkustund og fengu því að kynnast kortinu ágætlega og gáfu áhorfendum góða innsýn í hverju má búast við af kortinu.

„Ég held að við séum sammála um að það er hellingur af skemmtilegum hlutum þarna, og það er alltaf gott að krydda aðeins upp á leikina með því að breyta svona um landslag,“ segir skemmtikrafturinn Dói í samtali við mbl.is.

Fóru gloppur og villur hinsvegar ekki framhjá þeim innanleikjar og nefnir Dói að þeir komu fram í grafík tölvuleiksins sem og við spilun leiksins en virknin þótti ekki upp á marga fiska.

Gera gott úr þessu

„En við gerum bara eins og alltaf, það besta úr því,“ segir Dói og sést það á streymum þeirra að þeir eru duglegir að skemmta bæði sér og áhorfendum.

Í streyminu var Dói meðal annars „simbaður“ en þá stóðu þeir Kristján uppi á kletti og biður Dói Kristján um að halda á sér, eins og Simba var haldið uppi á kletti í kvikmyndinni Lion King.

Hér að neðan má horfa á Kristján og Dóa herma eftir því atriði í Lion King en allt streymið má horfa á í heild sinni á Twitch-rás GameTíví.

• Blogga um frétt