Snjóar í Vodafonedeildinni

Nú þegar líða fer að jólum gefast ýmis tækifæri til að bæta við jólaþema í útsendingar. Útsending Vodafonedeildarinnar í gær var í jólabúningi og snjóaði meðal annars í útsendingu.

Jólaseríur og greni

Tíunda umferð Vodafonedeildarinnar hófst í gær, en umferðin er jafnframt sú síðasta fyrir jól og því tilefni til að bæta við jólaþema í síðustu útsendingar ársins. 

Annar lýsenda Vodafonedeildarinnar var jólalegur í gær. Skjáskot/Twitch/Rafithrottir

Útsendingar Vodafonedeildarinnar fara fram úr stúdíói Meta Production sem er staðsett í Arena. Stúdíóið hefur nú verið skreytt með jólaseríum og greni, ásamt því að snjókoma var á skjánum í upphafi útsendingar.

Toppmaður Tomma varð jólatoppmaður Tomma í þætti gærkvöldsins og voru allir toppmenn með jólasveinahúfur. Annar lýsendanna var prýddur jólasveinahúfu ásamt jólarauðri slaufu. 

• Blogga um frétt