Nýtt streymisforrit TikTok
Setja bókamerki
Samfélagsmiðillinn TikTok er felstum kunnugur, en miðillinn hefur notið mikilla vinsælda á heimsvísu síðustu ár. TikTok hefur nú gefið út nýtt forrit sem nefnist TikTok LIVE Studio sem gerir notendum kleift að streyma á miðil þeirra.
Svipar til annarra forrita
Streymisforritið TikTok LIVE Studio er nú aðgengilegt TikTok notendum á Windows stýrikerfi á PC-tölvum. Forritið virðist ekki vera aðgengilegt á farsímum, en frekari upplýsingar um forritið skortir.
Forritið gerir notendum kleift að taka inn hljóð og mynd frá fleiri en einum uppruna, og svipar mikið til annarra streymisforrita. Notendur geta flutt stillingar í forritið frá öðrum streymisforritum s.s. OBS og StreamElements.
Nú geta notendur því streymt frá PC-tölvum sínum á TikTok með notkun TikTok LIVE Studio og sýnt frá leikjum sínum eða öðrum athöfnum. Með útgáfu forritsins er TikTok nú í samkeppni við aðrar streymisveistur s.s. Twitch.
Athugið að forritið virðist aðeins aðgengilegt notendum frá völdum löndum, en ekki er vitað hvenær það verður aðgengilegt öllum.
Hvorki Danir né Bandaríkjamenn að grínast
Sjö hús rýmd á Patreksfirði
Mikið vatn ógnaði rafmagni og tölvukerfum
Fjölmiðlafólk rekið út
Útgerðarstarf Sigurjóns ekki í hagsmunaskrá
Þörf fyrir tvöfalt fleiri augnskurðlækna