Vakinn af aðdáendum

Þegar einstaklingar streyma frá því er þeir sofa er talað um svefnstreymi, en það hefur rutt sér leið á Twitch og er orðið vinsælt meðal áhorfenda streymisveitunnar.

MrMouton er einn margra einstaklinga sem hafa haft svefnstreymi á rás sinni, en hann lenti í óvæntu atviki fyrr í desembermánuði.

Aðdáendur dóu ekki ráðalausir

MrMouton var með kveikt á vefmyndavél sinni er hann sýndi frá því er hann svaf í beinni útsendingu á twitchrás sinni. Aðdáendur hans gripu til sinna ráða og ákváðu að reyna að vekja hann. 

Var streymirinn með kveikt á hljóðviðvörunum á streyminu, sem gefa aðdáendum tækifæri á að gefa twitchbita eða pening og senda upplesin skilaboð með. Sniðugur aðdáandi náði að senda pirrandi og hávær skilaboð sem vöktu MrMouton og var þar markmiði aðdáenda náð.

• Blogga um frétt