Paris Hilton opnar eyju í Roblox

Hótelerfinginn Paris Hilton tilkynnti nýlega að hún hafi orðið sér úti um eyju í tölvuleiknum Roblox þar sem hún mun halda tónleika sem plötusnúður í kvöld.

Eins og kemur fram hjá Reuters, hefur fjölmiðlafyrirtækið hennar Hilton, 11:11 Media, komið sér upp um eyju að nafni Paris World í tölvuleiknum og munu aðdáendur geta heimsótt eyjuna sér að kostnaðarlausu.

Eftirlíking af Beverly Hills setrinu

Á eyjunni er eftirlíking Beverly Hills setrinu hennar með tilheyrandi hundasetri auk eftirlíkingu af tívolí innblásnu brúðkaupi hennar.

„Fyrir mitt leyti, er metaheimurinn eitthvað sem býður þér upp á að gera allt sem þú getur í kjötheimum, nema í stafræna heiminum,“ segir Hilton.

„Það fá ekki allir að upplifa það, svo það er það sem við höfum unnið saman að síðastliðið ár - að gefa þeim allan þann innblástur um það sem ég vil í þeim heimi.“

Heldur tónleika á gamlárs

Paris Heimurinn (e. Paris World) mun fela í sér örfærslur (e. microtransactions) þar sem aðdáendur geta borgað fyrir stafræna búninga innanleikjar eða ferðir á þotuskíðum í kringum eyjuna.

Hilton vonast til þess að laða aðdáendur til sín á eyjuna með því að halda stafræna tónleika sem plötusnúður í kvöld en í kjötheimum geta slíkir tónleikar með henni kostað allt að eina milljón bandaríkjadali en það eru 130,75 milljónir íslenskra króna fyrir kvöldið.

• Blogga um frétt