Skýra frá 500 klukkustunda markinu

Techland tísti nýlega frá því að það tæki leikmenn um fimm hundruð klukkustundir að klára tölvuleikinn Dying Light 2 Stay Human en hefur nú gefið út skýrari upplýsingar eftir misjafnar viðtökur.

Frétt af mbl.is

Tekur yfir 500 klukkustundir að klára

Höfðar til mismunandi spilara

„Við vildum skýra nýlegar upplýsingar okkar um fjölda klukkustunda sem þarf til að klára leikinn. Dying Light 2: Stay Human er hannaður fyrir leikmenn með mismunandi leikstíl og langanir til þess að kanna heiminn hvernig sem þeim sýnist,“ segir í nýlegu tísti á opinberum Twitter-aðgangi tölvuleiksins.

Aðalsöguþráðurinn ekki nema 20 klukkustundir

Meðfylgjandi tístinu er mynd sem sýnir að það taki ekki nema um tuttugu klukkustundir að klára aðalsöguþráð leiksins en 80 klukkustundir að klára bæði aðalsöguþráðinn ásamt hliðarverkefnum. 

Skýringin á þeim 500 klukkustundum sem Techland hafði áður talað um er að það tæki þann tíma að klára allt sem er í boði í leiknum. Er þá verið að meina að klára aðalsöguþráðinn, öll hliðarverkefni, skoða allt kortið, eiga öll samtöl, safna öllum minjagripum og fleira í þá áttina.

• Blogga um frétt