Rainbow Six Extraction lentur

Tölvuleikurinn Rainbow Six Extraction er lentur en aðdáendur Rainbow Six leikjaseríunnar hafa beðið með mikilli eftirvæntingu eftir leiknum.

Rainbow Six Extraction er fyrstu persónu skotleikur sem gerist í geimnum og takast leikmenn á við hættulegar geimverur.

Leikmenn geta hópað sig upp í þriggja manna teymi og fá að upplifa einstaka PVE (Player VS Enviroment) leikjaupplifun en það er þegar leikmenn takast á við og berjast við verur í umhverfinu sem leikurinn sjálfur býður upp á.

Hægt er að kaupa leikinn frá og með deginum í dag í gegnum Epic Games verslunina en hann er einnig fáanlegur með áskrift að Xbox Game Pass, PC Game Pass og Xbox Game Pass Ultimate.

• Blogga um frétt