Höfundur Game of Thrones gæti hneykslast

Leikstjóri Elden Ring, Hidetaka Miyazaki, sagði að höfundur Game Of Thrones, George R.R. Martin, gæti orðið „dálítið hissa“ við að sjá hvernig FromSoftware hefur breytt persónunum sem hann bjó til fyrir Elden Ring.

Miyazaki sagði við Game Informer að FromSoftware hafði breytt nokkrum af persónum Martins til þess að láta þær passa betur inn í heim Elden Ring.

Þeirra hlutverk að afbaka þær

„Þegar Martin skrifaði þessar persónur, og þegar hann lagði fram upprunasöguna sem goðsögn um heim Elden Ring, voru þessir hálfguðir miklu nær upprunalegu formi þeirra, og kannski nær mannlegri mynd þá, fyrir sundrunina, áður en allt byrjaði, “ útskýrði Miyazaki.

„Þannig að það var meira okkar að túlka þetta og segja: „Hvernig urðu þau að svona ómanneskjulegum skrímslum? Og hvaða áhrif hafði hinn brjálæðislegi blettur af mölbrotnum rifum Elden-hringsins og krafti hans á þá?’ Þannig að það var okkar hlutverk að taka þessar stóru hetjur og afbaka þær í eitthvað sem þær voru ekki.“

Sá eitthvað mannlegra fyrir sér

Um það efni sagði Miyazaki að „ef við fáum tækifæri til að sýna Martin og ef hann fær tækifæri til að sjá leikinn og sjá þessar persónur, þá held ég að hann gæti orðið svolítið hneykslaður.

Þegar hann skrifaði þær var hann í rauninni að sjá fyrir sér eitthvað aðeins mannlegra, aðeins hefðbundnara mannlegt drama og fantasíupersónur. Svo ég vona að hann fái eitthvað út úr þessu."

• Blogga um frétt