New York Times kaupir Wordle

Orðagátuleikurinn Wordle, sem heillað hefur heimsbyggðina undanfarna mánuði, er nú í eigu útgáfufyrirtækis New York Times.

Kaupin, sem kynnt voru nú fyrir stundu, eru í umfjöllun dagblaðsins sögð endurspegla vaxandi mikilvægi leikja fyrir það markmið fyrirtækisins að ná tíu milljónum áskrifenda fyrir árið 2025.

Lág sjö stafa tala

Skapari Wordle, hugbúnaðarverkfræðingurinn Josh Wardle frá Brooklyn, seldi leikinn fyrir „lága sjö stafa tölu“ í bandaríkjadölum talið, að sögn Times.

Í íslenskum krónum talið gætu kaupin því ef til vill hljóðað upp á um 130 til 500 milljónir króna.

90 spilarar á dag fyrir þremur mánuðum

Leikurinn mun að sögn fyrirtækisins verða enn í boði ókeypis fyrir spilara, að sinni.

Wardle sagði sjálfur fyrr í mánuðinum að „hann þurfi ekki að rukka fólk fyr­ir þenn­an leik og vilji helst halda því þannig“.

Þann 1. nóvember á síðasta ári hafði Wordle um 90 spilara að meðaltali á dag. Um miðjan þennan mánuð voru þeir 300 þúsund og nú spila milljónir manna leikinn daglega, að því er segir í tilkynningu New York Times.

Frétt af mbl.is

Vill ekki rukka fólk

Frétt af mbl.is

Opinbera íslenska útgáfu af vinsælum orðaleik

• Blogga um frétt