Lost Ark leikmenn fá óvæntar gjafir

Til þess að fagna frábærum árangri við útgáfu tölvuleiksins Lost Ark hefur Amazon Games og Smilegate ákveðið að verðlauna leikmannahóp sínum með sérstökum hlutum innanleikjar.

Leikurinn kom út í síðustu viku og er strax kominn í annað sæti á lista yfir mest spiluðu leiki á Steam allra tíma. Lost Ark náði yfir milljón virkum spilurum samtímis en einungis fimm leikir hafa náð því að meðtöldum Lost Ark.

Frétt af mbl.is

Strax á lista yfir þá fimm mest spiluðu

Koma með nýjum netþjónum

Tilkynnt var um gjöfina í sömu tilkynningu og Amazon Games gaf út varðandi væntanlega netþjóna fyrir Evrópu. Mikil þörf er á fleiri netþjónum til þess að draga úr biðtíma til þess að komast inn í leik.

Gjafirnar verða aðgengilegar á sama tíma og nýju netþjónarnir fara í loftið, 1. mars.

Leikmenn fá nokkrar verðlaunakistur sem búa m.a. að reiðskjótum (e. mounts) og vopnum auk annarra gjafa en nánar um það má lesa í tilkynningunni sjálfri.

• Blogga um frétt