Unnið að Valorant fyrir leikjatölvur

Fyrstu persónu skotleikurinn Valorant frá Riot Games er einn vinsælasti skotleikurinn um þessar mundir og fengið gífurlega athygli úr öllum áttum.

Leikurinn hefur þó verið bundinn við PC-tölvur frá útgáfu þar sem hann er ekki fáanlegur fyrir aðrar leikjatölvur eins og PlayStation eða Xbox.

Það gæti þó verið að breytast þar sem að Riot Games birti nýlega starfsauglýsingu þar sem óskað var eftir leikjahönnuði fyrir leikjatölvur - fyrir Valorant. Mike tísti frá þessu á Twitter aðganginum ValorLeaks.

Mun efla samfélagið

Óhætt er að segja að leikmannahópur Valorants samfélagsins mun færast í aukana verði leikurinn gefinn út á PlayStation eða Xbox tölvur. Ekki liggja fyrir upplýsingar um hvenær leikurinn verður gefinn út fyrir leikjatölvur að svo stöddu.

• Blogga um frétt