Búið að laga dauðalykkjuna fyrir PC

Techland er búið að gefa út nýja uppfærslu á tölvuleiknum Dying Light 2 fyrir PC-tölvur sem á að laga gloppu varðandi dauðalykkju.

Leikmenn hafa verið að festast í einskonar dauðalykkju, þar sem þegar leikmenn deyja í ákveðnu verkefni á ákveðnu svæði innanleikjar, endurfæðast annarsstaðar á kortinu og hafa ekki nægan tíma til þess að komast aftur á svæðið þar sem verkefnið fer fram.

Auk þess er er búið að setja upp sjálfvirkt vistunarkerfi sem gerir leikmönnum kleift að spóla tilbaka í leiknum, eða þangað sem síðasta vistun fór fram. Mun því innihald bakpokans og framvinda leiksins verða sú sama og þegar síðast var vistað.

• Blogga um frétt