Von er á stórri uppfærslu í tölvuleiknum Halo Infinite í ágúst sem snýr að samvinnuham. Þá geta leikmenn ráfað um hinn opna heim Halo með öðrum Master Chief og unnið saman.

Aðilar í Halo Insider gætu fengið að prófa þennan eiginleika fyrr þar sem að 343 Industries, framleiðsluverið á bakvið leikinn, hefur tilkynnt um innleiðingu hans í júlí fyrir aðila í Halo Insider.

Hægt að sækja um

Hægt er að sækja um aðild að Halo Insider með því að fylgja þessum hlekk, en vert er að taka fram að aðild tryggir ekki aðgengi að þessum eiginleika fyrir útgáfu hans.

Umsjónarmenn Halo Insider velja úr leikmönnum sem skrá sig, en það kostar ekkert að sækja um.

Áður tilkynnt um leikhaminn

Frétt af mbl.is

Seinna tímabil Halo hefst von bráðar

Leiðarvísir sem var birtur í apríl benti á uppfærslu seint í ágúst sem sneri að samvinnuham, og hefur 343 Industries ekki tilkynnt um neitt sem ætti að tefja útgáfu þess eiginleika.

Samvinnuspil í gegnum netið mun koma fyrst út, á meðan samvinnuspil á skiptum skjá kemur síðar á árinu.

Þetta þýðir að leikmenn geta fengið að spila PvE með vinum sínum í stað þess að spila á móti þeim með PvP.

Tengdar fréttir

Halo

Prufuspilið hefst í þessari viku

• Fékk á broddinn eftir 21 ár
• Bréfaklemman Clippy með óvænta endurkomu
• Seinna tímabil Halo komið í loftið
• Seinna tímabil Halo hefst von bráðar

» Fleiri tengdar fréttir

• Blogga um frétt