Íþróttir | Rafíþróttir | mbl | 9.7.2022 | 20:20

Egóið í gólfinu eftir keppni við Guðjohnsen

Andri Lucas stóð uppi sem sigurvegari. Skjáskot/Leikjakeppnin

Leikjakeppnin fór í loftið í gær þegar fyrsti þátturinn var sýndur í beinni útsendingu. Dusty-leikmaðurinn Þorsteinn Friðfinnsson er þáttastjóri og keppir þar við þjóðþekkta einstaklinga í tölvuleikjum.

Fyrsti gestur þáttaraðinnar var knattspyrnumaðurinn Andri Lucas Guðjohnsen og kepptu þeir í fjölbreyttum leikjum á borð við FIFA, Rocket League og fleiri af miklu kappi í gær.

Frétt af mbl.is

Skorar á þjóðþekkta einstaklinga í leik

Þorsteinn Friðfinnsson skorar á Andra Lucas Guðjohnsen í nýju þáttaröðinni Leikjakeppnin. Grafík/Liðakeppnin

Gaf verðlaunin frá sér

Eftir harða baráttu í tölvuleikjum stóð Andri Lucas uppi sem sigurvegari, sem kom Þorsteini mjög á óvart.

„Egóið er alveg í gólfinu en þetta var samt virkilega skemmtilegt,“ segir Þorsteinn í samtali við mbl.is.

Í verðlaun átti Andri að fá kassa af Nocco-orkudrykkjum, 10.000 króna gjafabréf hjá Dominos og 50 evra gjafakort hjá CoolBet, en hann ákvað að gefa áhorfendunum verðlaunin.

Þá voru vinningarnir gefnir áhorfendum sem voru í spjallglugganum á streyminu í enda þáttarins.

Gekk eins og í sögu

Þorsteinn segir allt hafa gengið eins og í sögu og að nánast engir tæknilegir örðugleikar hafi komið upp. Þar að auki bendir hann á að þátturinn hafi verið tekinn upp og verði birtur á YouTube síðar.

Hér að neðan er hægt að horfa á endursýninguna í gegnum Twitch.