Hljóðvist mikilvæg þegar hitnar í kolunum

Mel­ína Kolka og Hall­dór Snær Kristjáns­son hafa ekki aðeins áhuga á hvoru öðru held­ur deila þau einnig áhuga á tölvu­leikj­um og rafíþrótt­um. Þau fluttu ný­lega í nýja íbúð á Hlíðar­enda og ákváðu þau í heims­far­aldr­in­um að bæta veru­lega tölvu­leikjaaðstöðuna.

„Þetta er leikja­hell­ir­inn, eða svita­klef­inn,“ sagði Mel­ína og hló þegar gengið var inn í klef­ann. 

Sjálf sit­ur hún á „skvísu­borðinu“ og Hall­dór á „gaura­borðinu“ við hlið henn­ar. Blaðamaður mbl.is heim­sótti parið í nýj­asta þætt­in­um af SETTÖPP.

Þegar hafði parið sýnt hið nýja örþunna sjón­varp en þar spila þau oft PlayStati­on eða ein­fald­lega liggja og horfa á Net­flix sam­an.

Í æs­ingi í tölvu­leik

„Það munaði al­veg strax ótrú­lega miklu,“ sagði Mel­ína um hljóðvist­ar­plöt­urn­ar sem komu ný­lega upp.

„Bæði út af um­hverf­is­háfaða en líka útaf hvoru öðru,“ hélt Mel­ína áfram en oft eru þau í sitt hvor­um leikn­um, eða fjar­fund­um í vinn­unni, svo dæmi séu tek­in.

„Þetta er nátt­úru­lega bara kassa[laga] her­bergi,“ sagði Hall­dór. Því er auðvelt að ímynda sér glym­inn í her­berg­inu áður.

 „Við erum bæði með kannski [hljóðnem­ana] í gangi og erum að tala og spila og kannski að tala mjög hátt í ein­hverj­um æs­ingi í tölvu­leik. Það munaði al­veg hell­ing.“

„Já, þegar hitn­ar í kol­un­um,“ sagði Mel­ína þá en hægt er að grípa þau tvö oft eft­ir vinnu í æsispenn­andi leikj­um, annað hvort sam­an eða í sitt hvoru lagi með öðrum í gegn­um netið.

Sjáðu fjórða þátt­inn af SETTÖPP með því að smella á hlekk­inn fyr­ir neðan: