Þegar Halo Infinite kom út í desember á síðasta ári voru nokkrir leikmenn óánægðir með að ekki væri hægt að spila söguþráðinn í samvinnu með öðrum.

Frá útgáfu hefur 343 Industries unnið hörðum höndum að því að bæta við eiginleikum og fínstilla leikinn og munu leikmenn bráðlega geta spilað söguþráðinn í samvinnu með öðrum.

Mun fara fram í vikunni

Brian Jarrad hjá 343 Industries greindi frá því á Twitter að nokkrar gloppur hafi fundist við netprófanir og að teymið sé að vinna í að laga þær. Ekki er hægt að hefja prufuspil fyrr en gert hefur verið við þær. Hann bætir þó við að enn sé stefnt að því að hefja prufuspil í þessarri viku.

Ef leikmenn vilja taka þátt í prufuspilinu þurfa þeir að vera skráðir í Halo Insider. Árangur leikmanna í leiknum mun ekki færast yfir í prufuspilið né mun árangur í prufuspilinu færast yfir á aðgang leikmanna.

Reiknað er með að söguþráðurinn verði spilanlegur að fullu í samvinnuham seint í næsta mánuði.

Tengdar fréttir

Halo

Prufukeyra samvinnusham í Halo

• Fékk á broddinn eftir 21 ár
• Bréfaklemman Clippy með óvænta endurkomu
• Seinna tímabil Halo komið í loftið
• Seinna tímabil Halo hefst von bráðar

» Fleiri tengdar fréttir

• Blogga um frétt