Nýjasti aukapakkinn í World of Warcraft hefur notið mikilla vinsælda meðal leikmannna. Það er nóg um að vera hjá þeim í nýju dýflissunum og ránsferðunum sem fylgdu með aukapakkanum.
Á heimasíðunni icy-veins kemur fram að í Mythic+-dýflissuferðum fyrsta tímabilsins gekk þeim best að veita skaða sem spila Havoc-Púkaveiðimenn (e. Demon Hunter). Þar á eftir komu Outlaw-Rógar mjög sterkir inn ásamt Windwalker-Munkum.
Því væri ekki vitlaust að bjóða leikmönnum sem spila þessa klassa með sér í Mythic+-dýflissuferðir á tímabilinu.
Leikmenn sem spila Protection-Bardagamenn (e. warrior) hafa einnig sannað sig á tímabilinu og hafa reynst bestir í verkið. Blood-Dauðariddarar eru þar rétt á eftir með næst besta árangurinn í hlutverki tanks ásamt Guardian-Drúidum.
Veltir maður þá fyrir sér hverjir sterkustu heilararnir séu, sérstaklega þar sem nýji kynþátturinn og klassinn, Dracthyr Evoker, getur verið sérhæfður sem heilari.
Þrátt fyrir það eru Dracthyrar ekki efstir á listanum yfir heilara, en það eru Restoration-Drúidar sem hafa reynst sterkustu heilararnir í Dragonflight á þessu tímabili.
Preservation-Evokerar hafa þó reynst næstbestir til verksins í Mythic+-dýflissum, enda eru þeir á heimavelli á Drekaeyjunum.
Holy-Paladínar hafa líka verið mjög sterkir á tímabilinu og sitja í þriðja sæti á llistanum. Alla listana er að finna á heimasíðu Icy-Veins og geta eflaust hjálpað forvitnum leikmönnum að skapa hið fulllkomna lið til dýflissuferða innan Azeroth, á Drekayjunum.