Gátu byrjað að veifa sprotunum í gær
Setja bókamerki
Mikið var um galdrafár í gærkvöldið þegar leikmenn fengu að spreyta sig í fyrsta sinn í tölvuleiknum Hogwarts Legacy, sem kemur í rauninni ekki út fyrr en eftir tvo daga.
Þeim sem fjárfestu í forútgáfu Hogwarts Legacy var lofað að fá að prófa og spila leikinn 72 klukkustundum áður en hann kæmi opinberlega út.
Um kvöldmatarleytið í gær gátu íslenskir leikmenn sem gerðu það byrjað að leggja stund á galdranám sitt innan galdraveggja Hogwarts-skólans og byrjað að spila.
Galdrað í opnum heim
Hogwarts Legacy er byggður á Harry Potter-sögum J.K. Rowling og gerir leikmönnum kleift að upplifa lífið sem nemandi í Hogwarts-skólanum á 19. öldinni. Þetta er hasar- og hlutverkaleikur sem gerist í opnum heim en býsna margir hafa beðið eftir þessum leik með eftirvæntingu.
Hægt er að nálgast nánari upplýsingar um leikinn eða kaup á honum á opinberu heimasíðu Hogwarts Legacy.
Átt þú heima í Hufflepuff?
Í síðustu viku greindi rafíþróttavefurinn frá því að hægt væri að taka ákveðin próf á vegum leiksins sem hjálpaði leikmönnum að finna sinn sess í Hogwarts.
Þá geta leikmenn komist að raun um hvers konar verndardýr fylgi viðkomandi, hverskonar töfrasproti er ætlaður þeim og jafnframt í hvaða heimavist flokkunarhatturinn myndi skipa viðkomandi.
Flokkunarhatturinn getur, líkt og í sögum J.K. Rowling, skipað nemendur í fjórar mismunandi heimavistir, Hufflepuff, Slytherin, Ravenclaw og Gryffindor, sem allar hafa mismunandi eiginleika eða megingildi.
Víðir gerir upp mistök frá covid-tímanum
Endurskoða starfsleyfi bálstofu kirkjugarðanna
„Þetta var hræðileg stund“
„Tómthússkattur“ bitnar einnig á landsbyggðarfólki
Alvarlega veikar og greindust að lokum með alnæmi
Kvikusöfnun 80% af því sem var fyrir síðasta gos
Taka þarf ákvarðanir um framtíð Grindavíkurbæjar