Vondur matur í Katowice eftirminnilegur

Vondur matur í Katowice í Póllandi vakti sérstaka athygli Ólafs Hrafns, stofnanda ECA og fyrrum formaður RÍSÍ, í síðasta mánuði þegar hann var á stórmótinu í Counter-Strike: Global Offensive.

Í síðasta mánuði sagði Ólafur blaðamanni frá ferðalaginu sem var að mati hans „algjörlega frábært í alla staði“. Kjúklingaréttur nokkur sem bragðað var á í ferðinni vakti sérstaka athygli og er honum sérstaklega eftirminnilegur.

Frétt af mbl.is

Fríar veitingar í lúxusstofunni skemmdu ekki fyrir

Einn réttur verri

Ólafur mun seint gleyma kjúklingaréttinum Chicken Brian, sem hann fékk á veitingastaðnum Jeff's. Er það vegna þess hve einstaklega bragðvondur rétturinn var að mati Ólafs og toppar aðeins einn réttur Chicken Brian. 

Kjúklingahlaup með gulrótum, grænum baunum og kóríander. Ljósmynd/Aðsend

Ýmislegt má finna á morgunverðarhlaðborðum hótela en það var einmitt þar sem allra versti rétturinn sem Ólafur bragðaði á í ferðinni var að finna. Umræddur réttur var einskonar kjúklingahlaup með gulrótum og grænum baunum.

„Titilinn tekur kjúklinga, gulróta og grænbauna-hlauprétturinn sem var í boði í morgunmatnum á hótelinu,“ segir Ólafur í samtali við mbl.is.

„Þetta var bara í morgunmatnum við hliðina á heilum disk sem var ekkert nema sneiddir tómatar og saxaður laukur.“ 

• Blogga um frétt