Þrátt fyrir að nokkur ár séu síðan Nintendo hætti framleiðslu á tölvunni Nintendo 3DS á hún dygga aðdáendur. Youtube-stjarna að nafni „BigRig“ ákvað að venjulega tölvan væri ekki nóg heldur vildi hann byggja þá stærstu í heimi.
Hann er frægur fyrir að hanna tölvur og íhluti í stærri kantinum og því kemur ekki á óvart að hann taki að sér svona stórt verkefni.
Hann sýnir frá ferlinu í nýju myndskeiði og þar má sjá að allir takkar virka og gegna hlutverki, stór snertiskjár sem virkar og stór stýripinni er á tölvunni og því vel hægt að spila tölvuleiki á henni.
Í myndskeiðinu sýnir hann frá því að hægt er að spila leiki á borð við Super Smash Bros, Pokemon X og Animal Crossing.