Tölvuleikjaframleiðandinn Sledgehammer Games virðist vera að endurgera skotleikinn Call of Duty: Modern Warfare 3 og mun leikurinn koma á markað undir lok ársins 2023.

Twitter-notandinn algebra_sloth birti í gær mynd sem sýnir hvernig auglýsingin mun líta út fyrir leikinn en orkudrykkurinn Monster mun taka þátt í auglýsingaherferð leiksins. Samkvæmt auglýsingunni frá Monster munu þeir aðdáendur sem kaupa drykkinn geta notað kóða sem fylgir með hverri keyptri dós til þess að eiga möguleika á að vinna verðlaun í leiknum þegar hann kemur út. 

Call of Duty: Modern Warfare 3 kom á markað árið 2011 og var hannaður af Infinity Ward og Sledgehammer Games en leikurinn fékk gríðarlega góða dóma og situr nú með 9 í einkunn á Steam.

Síðan myndin birtist á Twitter af auglýsingu Monster hafa forráðamenn Sledgehammer Games breytt forsíðumynd fyrirtækisins á heimasíðu sinni sem virðist staðfesta endurgerð leiksins. 

Tengdar fréttir

Call of Duty

Vinna leiki án þess að gera neitt

• Körfuboltastjarna að mæta í orrustu
• Fyrstur að safna milljón vinnur
• 11 ára gamall leikur trónir á toppi vinsældarlista
• Kláraði leikinn á mettíma

» Fleiri tengdar fréttir

• Blogga um frétt