Rússnesk stjórnvöld tilkynntu í gær að Alþjóða rafíþróttasambandið (IESF) hefði ákveðið að heimila rússnesku rafíþróttafólki að taka þátt á mótum sambandsins. Auk þess fá keppendurnir að bera rússneskan fána og spila þjóðsöng Rússlands.

„Rússneska rafíþróttalandsliðið mun aftur geta tekið þátt á mótum undir sínu eigin nafni og flaggi,“ segir í tilkynningu frá rússneskum stjórnvöldum.

IESF heldur nú heimsmeistaramót í rafíþróttum í borginni Iaşi í Rúmeníu.

Um 45% kusu með

Að því er kemur fram í tilkynningu rússneskra stjórnvalda, hélt stjórn IESF atkvæðagreiðslu þar sem 32 fulltrúar greiddu atkvæði með þátttöku Rússa gegn 13 sem greiddu atkvæði á móti. 25 fulltrúar sátu hjá.

Hinn rúmensk-bandaríski Vlad Marinescu er bæði forseti IESF og forstjóri Alþjóða júdósambandsins (IJF).

Kepp­end­ur frá Rússlandi og Hvíta-Rússlandi fengu í ár að taka þátt í heims­meist­ara­mót­inu í júdó í Doha í Kat­ar und­ir hlut­laus­um fána. Fyrir vikið hættu Úkraínumenn við þátt­töku á heims­meist­ara­mót­inu.

Frétt af mbl.is

Rússar og Hvítrússar fá að keppa á HM

Tengdar fréttir

Rússland

Norðurkóreskir hermenn drepnir í stríði Rússa

• Sammála um að koma þurfi á „varanlegum friði“
• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu

» Fleiri tengdar fréttir

• Blogga um frétt