Frábær endasprettur hjá Veca gerði út af við Hött
Þórarinn Þórarinsson
Setja bókamerki
Tengdar fréttir
Rafíþróttir á Íslandi
Þriðja umferð Ljósleiðaradeildarinnar í Counter Strike hófst í gærkvöld með tveimur leikjum þar sem Veca sigraði Hött 2-1 og Ármann lagði lið RAFÍK 2-0. Með sigrinum í gær komst Veca í annað sæti deildarinnar en þegar þrír leikir eru eftir í umferðinni er Ármann í fyrsta sæti og Dusty í því þriðja.
Tómas Jóhannsson og Jón Þór Hermannsson lýstu viðureign Veca og Hattar í beinni útsendingu og voru í upphafi algerlega á öndverðum meiði þar sem Tómas spáði Veca sigri en Jón Þór veðjaði hiklaust á Hött.
Báðir töldu sig enn geta haft rétt fyrir sér þegar staðan var 1-1 fyrir þriðja og síðasta leikinn en í honum átti Höttur hins vegar litla möguleika og lýsendurnir voru sammála um að Veca hefði átt frábæran leik í lokakaflanum.
Jón Þór lýsti einnig yfir talsverðum vonbriðgum með Hött þar sem hann hafði búist við miklu meira af liðinu.
Umferðinni lýkur annað kvöld, fimmtudaginn 19. september, með þremur leikjum þar sem ÍA og Saga mætast, Dusty og Kano annars vegar og Venus og Þór hins vegar þar sem á brattann verður að sækja hjá Venus á móti Þórsurum sem hafa komið sterkir inn í upphafi móts.
Tengdar fréttir
Rafíþróttir á Íslandi
Íslendingur í Bangkok: „Við fengum enga viðvörun“
Útgerðir draga úr umsvifum
Skortur á lækningabúnaði hamlar aðstoð
Valdbeiting, handtökur og skotið úr byssum
Ágengt þjófalið á ferðamannastöðum
Ráðgerir lokað brottfararúrræði