Venus skellti Skagamönnum á botninn
Þórarinn Þórarinsson
Setja bókamerki
Tengdar fréttir
Rafíþróttir á Íslandi
/frimg/1/52/48/1524890.jpg)
Fimmta umferð Ljósleiðaradeildarinnar í Counter Strike hófst í gærkvöld með tveimur leikjum þar sem Höttur sigraði Ármann 2:0 og ÍA tapaði í botnbaráttuleik fyrir Venus 1:2.
Tómas Jóhannsson og Jón Þór Hermannsson lýstu viðureign ÍA og Venus í beinni útsendingu en áður en leikar hófust hafði hvorugt liðið unnið leik í deildinni. Þeir félagar töluðu því um sannkallaða botnbaráttu og hölluðu sér báðir heldur að ÍA í byrjun.
ÍA fór enda vel af stað og vann fyrsta leikinn en Venus tók hraustlega á móti í öðrum leiknum þannig að staðan var 1:1 fyrir þriðja og síðasta leikinn. Þar reyndust Skagamenn hins vegar ekki eiga tækifæri og Venus valtaði yfir þá 4:13.
Tómas og Jón Þór sögðu ÍA beinlínis niðurlægt og liðið situr nú í neðsta sæti Ljósleiðaradeildarinnar með 0 stig. Dusty, Þór og Ármann eru enn í þremur efstu sætunum en margt getur breyst á toppnum á fimmtudaginn þegar umferðin klárast með leikjum Dusty og Veca, Kano á móti Þór og viðureign Sögu og Rafík sem þeir Tómas og Jón Þór ætla að lýsa í beinni útsendingu.
Tengdar fréttir
Rafíþróttir á Íslandi
Forseti Alþingis kveður þingið
Langalangamman kveikti áhugann
Dagur og Þórður skella sér í landsmálin
Á fjórða tug barna með E.coli
Selenskí kemur til Íslands
„Þá liggur beinast við að strika hann út“
„Staðan er óásættanleg og það er ekki kennurum að kenna“