Tveir efstu keppendurnir í ELKO-Deildinni í Fortnite, Denas­ Kazu­lis (den­as 13) og Kristó­fer Trist­an (iKristoo), voru sjálfum sér samkvæmir í 8. umferð og skiptu sigrunum í leikjunum tveimur á milli sín.

Fyrri leikurinn var bráðfjörugur og mikið gekk á undir lokin áður en Denas landaði sigrinum. Kristófer kom hins vegar, venju samkvæmt, öflugri í seinni leikinn sem hann vann með átta fellum og náði 1. sætinu af Denasi.

Denas var í fyrsta sæti þegar leikar hófust en þá skildi aðeins eitt stig á milli hans og Kristófers sem endaði með 380 stig á móti 367 stigum Denasar.

Kristófer byrjar því 9. umferð eftir viku með 13 stiga forskot á höfuðandstæðinginn. Emil Vík­ing­ur (Too Fast Emil) heldur síðan 3. sæti en er þó langt á eftir með 202 stig.

Frétt af mbl.is

Topp­sætið hangir á einu stigi

Ólafur Hrafn Steinarsson lýsti umferðinni ásamt þeim Aroni Fannari og Gunnari Birni og ekki verður af lýsendunum tekið að þeir settu skemmtilegan svip á keppniskvöldið með því að taka forskot á hrekkjavökusæluna.

Ólafur Hrafn var í Halloween-gírnum og birtist áhorfendum sem banani með golfkylfu.

Ólafur Hrafn mætti til leiks sem risastór banani á meðan Aron skellti sér í pylsubrauð með sinnepi en Gunnar Björn gætti þess að halda tengingu við tölvuleikjaheiminn og sat í sófanum sem Marió-bróðirinn Luigi.

Tengdar fréttir

Fortnite

Í sjokki eftir leikinn

• Sviptingar í Fortni­te
• Kristófer upp fyrir Denas
• Jöfn skipti í topp­bar­áttunni
• Topp­sætið hangir á einu stigi

» Fleiri tengdar fréttir

Rafíþróttir á Íslandi

Læti í leiknum sem beðið var eftir

• Horft til Ís­lands í 127.526 ár
• Þór eltir OGV á toppnum
• Spennan gæti varla verið meiri
• Um 70% barna spila tölvuleiki

» Fleiri tengdar fréttir

• Blogga um frétt