Sannkölluð árshátíðarstemning sveif yfir Counter Strike-samfélaginu á úrslitakvöldi Ljósleiðaradeildarinnar og eins og sjá má á meðfylgjandi myndasyrpu hélt veislustjórinn Árveig „Nu­tella“ gleðinni gangandi, af öryggi landsliðsfyrirliðans, frá miðjum degi fram á nótt.

Counter Strike-gleðin stóð frá klukkan 14 og fram á nótt. Ljósmynd/Atli Már

Spenn­an í Ljós­leiðara­deild­inni náði há­marki að kvöldi laug­ar­dagsins 16. nóvember þegar úr­vals­deild­arliðin Dusty og Þór börðust um Íslands­meist­ara­titil­inn í Coun­ter Strike í Ar­ena á Smára­torgi.

Arn­ar „Vargur“ Ingvars­son var hvorki sýnd veiði né gefin og engum nema veislustjóranum og landsliðsfyrirliðanum Árveigu „Nutella“ tókst að sigra hann í Ljósleiðaraskyttunni. Ljósmynd/Atli Már

Fjörið byrjaði þó miklu fyrr og stóð mun lengur en mikið var um dýrðir og stans­laust stuð all­an keppn­is­dag­inn og langt fram eft­ir kvöldi. 

„Vargurinn“ var lengi vel miðpunktur athyglinnar en gestir höfðu bæði mikinn áhuga á því að reyna sig við hann og fylgst var með baráttunni við hann úr öllum áttum. Ljósmynd/Atli Már

Veislugestum bauðst, meðal margs annars, að láta reyna á skot­fimi sína og hæfni í Coun­ter Strike. Annars vegar í keppni um hver væri markvissasta Red Bull hetj­an með því að ná að fella flesta á 60 sekúndum og hins vegar með því að ná sigri gegn Coun­ter Strike-goðsögn­inni Arn­ari „Varg“ Ingvars­syni og geta þannig talist Ljósleiðaraskyttan.

Fortnite-sérfræðingurinn og Counter Strike landsliðskonan Rósa Björk lét sig að sjálfsögðu ekki vanta og veit auðvitað, eins og sjá má, að það er aldrei of snemmt að byrja í rafíþróttum. Ljósmynd/Atli Már

Veislustjórnin var í öruggum höndum Árveigar Lilju „Nu­tella“ Bjarna­dótt­ur, fyr­irliða ís­lenska kvenna­landsliðsins í Coun­ter Strike, sem var með alla þræði í hendi sér og lét sér til dæmis ekki muna um að vera sú eina sem náði að leggja goðsögnina „Varginn“ að velli.

Lukkuhjólið var á stanslausum snúningi. Ljósmynd/Atli Már

Bjarni Sigurðsson, formaður rafíþróttadeildar Þórs, var ekkert of hress með úrslitin en lét tapið gegn Dusty þó alls ekki skyggja um of á gleðina. Ljósmynd/Atli Már

Stuðið byrjaði í Arena klukkan 14 og þar var leikið og spilað í hverri vél langt frameftir kvöldi. Ljósmynd/Atli Már

Salurinn tók varla augun af úrslitaviðureign Þórs og Dusty... Ljósmynd/Atli Már

... þar sem fagnaðarlæti og harmakvein bergmáluðu á víxl. Ljósmynd/Atli Már

Skammt var oft milli gleði… Ljósmynd/Atli Már

… og djúpra vonbrigða. Ljósmynd/Atli Már

Deildarmeistararnir í Dusty voru að vonum í banastuði þegar Einar Þórarinsson, framkvæmdastjóri Ljósleiðarans, háhraðatengdi þá við verðlaunin. Ljósmynd/Atli Már

Þórsarar báru tapið ekki utan á sér þegar þeir tóku við verðlaununum fyrir 2. sætið. Ljósmynd/Atli Már

... og helsti stuðbolti liðisins, Ásmundur Viggósson, þekktur sem PANDAZ ... Ljósmynd/Atli Már

... gat í það minnsta fagnað innihaldi gjafapokans. Ljósmynd/Atli Már

Tengdar fréttir

Rafíþróttir á Íslandi

Flugsyndur í Fortni­te

• Svekk­elsi ekki í boði hjá Þór
• „Við getum nú teflt mun betur“
• Akademían lækkaði Bigga niður
• Sjáið Þór og Du­sty í beinni hér

» Fleiri tengdar fréttir

• Blogga um frétt