Kraftvélarnar þenja sig í botn
Þórarinn Þórarinsson
Setja bókamerki
Tengdar fréttir
Rafíþróttir á Íslandi
Hressilegu keppnistímabili Rafíþróttasambands Íslands lýkur með Dota 2 veislu í Arena á morgun, laugardag, þegar TSR Akademían og Kuti mætast í úrslitaleik.
Rétt tæp vika er síðan TSR Akademían varð undir í harðri baráttu liðanna um öruggt sæti í úrslitunum en svo skemmtilega vill til að þangað eru bæði liðin komin. TSR fær því einstakt tækifæri til að hefna ófaranna og engin hætta á öðru en að bæði liðin munu skrúfa spennustigið upp í 11.
Eftir tæplega fjögurra klukkustunda baráttu síðastliðinn sunnudag tókst Kuta að tryggja sig í úrslitakeppnina og skera Akademíuna niður í neðri flokk undanúrslitann (lower bracket playoffs).
Þar mætti hún fyrst Snorra & Dvergunum og síðan Hendaköllunum og eftir sigur í báðum viðureignum komst liðið í úrslitin þar sem Kuti bíður bíður vel beittur eftir lokauppgjörinu.
Rétt eins og í úrslitaviðureignum annara deilda verður mikið um dýrðir og gleðin við völd í Arena þegar Dota 2 samfélagið kemur saman í raunheimum, fellir grímur leikjagælunafnanna, sýnir sín réttu andlit og skemmtir sér saman.
Húsið opnar klukkan 14 og fyrsti leikur og beint streymi frá honum hefjast klukkan 15. Aleksander Mojsa (Mojsla) er veislustjóri og mun leiða mannskapinn í gegnum áhorfspartíið, happy hour og ýmsar aðrar uppákomur sérsniðnar að smekk Dota 2 fólks.
Úrslit Litlu-Kraftvéladeildarinnar eru lokahnykkurinn á vel heppnuðu tímabili í deildarkeppnum Rafíþróttasambandsins en á síðustu vikum hafa fengist fram úrslit í Tölvulistadeildinni í Overwatch, GR-Verk deildinni í Rocket League, Mílu-Deildinni í Valorant kvenna og ELKO-Deildinni í Fortnite að ógleymdu úrslitaeinvígi Hjörvars Steins Grétarssonar og Helga Ólafssonar á Íslandsmóti Símans í netskák.
Tengdar fréttir
Rafíþróttir á Íslandi
Hjartað sló með þjóðinni
Búa sig undir verkfallsaðgerðir
Stjörnvöld voru vöruð við
Þorgerður Katrín fagnar vopnahléi á Gasa
Hafa varla sofið í marga daga í LA
Tæma Árnagarð
Mesta flóð frá 2013