Hörð barátta um „gæsahúðarmómentið“

Kolin eru farin að hitna hressilega í RIG í Counter Strike en eftir átta liða úrslitin sem spiluð voru í gærkvöld eru Dusty, Kano, Veca og Saga komin áfram í undanúrslit.

Leikar fóru þannig á fimmtudagskvöld að Dusty sigraði Fylki 2:0 og segja má að önnur úrslit hafi verið eftir bókinni með sömu lokatölum þar sem Kano, Veca og Saga lögðu Aurora, ace.X og Venus.

Viðureign Kano og Aurora var lýst í beinni útsendingu í Sjónvarpi Símans og á streymisveitum RÍSÍ. Fyrri leikurinn var nokkuð köflóttur en fór að lokum 13:10 fyrir Kano sem síðan yfirspilaði andstæðingana algerlega í seinni leiknum, 13:4.

Frétt af mbl.is

Grátlegt fyrir Sindra

Undanúrslitin fara fram í næstu viku og hefjast með viðureign Dusty og Kano á þriðjudagskvöld en Veca og Saga gera sín mál upp á fimmtudaginn. Báðir leikir hefjast klukkan 19.30 og verða sýndir beint hjá Símanum og í streymi.

Þau tvö lið sem eftir standa á fimmtudaginn keppa síðan til úrslita í Laugardalshöll á laugardaginn, 25. janúar, þar sem mikið verður um dýrðir og stemningin þegar orðin þannig að allt Counter Strike-fólk sem mús getur valdið getur varla annað en fjölmennt á staðinn.

Frétt af mbl.is

Kano og Venus í geggjuðum leik

Því eins og Ólafur Hrafn Steinarsson, stofnandi Rafíþróttasambandsins, lýsti því við upphaf RIG, fyrr í þessum mánuði, þá skipti alvöru máli að mæta og sýna stuðning. 

Hann rifjaði einnig upp hversu geggjað honum fannst að vera í Höllinni 2019, á fyrsta RIG-mótinu sem var haldið eftir stofnun RÍSÍ. Fyrir honum væru því keppnir á stórum vettvangi eins og Laugardalshöll sérstakar stundir. 

Frétt af mbl.is

2:0 lækkun á Verðbólgu

Þetta væru „gæsahúðarmóment“ þannig að í raun ætti allt áhugafólk um rafíþróttir og yfirleitt öll sem hafa smekk fyrir spennandi sporti ekki að láta þennan hápunkt RIG í Counter Strike fram hjá sér fara.

• Blogga um frétt