Rafíþróttir ryðja menntaveginn
Setja bókamerki
Rafíþróttasamband Íslands og Esportian hafa gert með sér samstarfssamning sem felur í sér áður óþekkt tækifæri fyrir íslenskt rafíþróttafólk og þjálfara til þess að afla sér æðri menntunnar í Bandaríkjunum á meðan þau halda áfram að keppa í sinni íþróttagrein.
Samstarfi Esportian og RÍSÍ er ekki síst ætlað að brúa bilið milli ört vaxandi rafíþróttasenunnar á Íslandi og hins umfangsmikla keppnisumhverfis í bandaríska háskólasamfélaginu.
/frimg/1/54/38/1543844.jpg)
Samningurinn er því með öðrum orðum einnig hugsaður til þess að skapa námsfólki tækifæri til þess að vaxa og dafna, bæði í akademísku námi og á stafrænum keppnisvöllum sínum.
Rafíþróttafólki sem vill kynna sér betur möguleikana sem opnast með samstarfi RÍSÍ og Esportian er bent á vefstefnu (webinar) sem haldin verður miðvikudaginn 19 febrúar klukkan 16:30. Hægt er að skrá sig hér.
Þorsteinn Friðfinnsson, einn besti Counter Strike leikmaður Íslands, stendur á tímamótum. Eftir að hafa unnið alla mögulega sigra með liði sínu, Dusty, er hann, 24 ára gamall og fyrstur Íslendinga, á leiðinni í styrkt nám í Bandaríkjunum á vegum Esportian og í krafti hæfni sinnar og afreka í Counter Strike.
„Mín saga er langt frá því að vera búin. Hún heldur áfram í Boston næsta haust, og hver veit hvað framtíðin ber í skauti sér. Samhliða háskólanáminu mun ég áfram elta drauminn um atvinnumennsku á hæsta stigi í Counter Strike,“ segir Þorsteinn sem hefur nám við Fisher Collage í Boston í haust.
Þar mun hann einnig keppa í Counter Strike með einu besta háskólaliði Bandaríkjanna í leiknum á meðan hann stundar nám í verkefnastjórnun á fullum styrk sem afreksíþróttamaður.
Í sameiginlegri tilkynningu RÍSÍ og Esportian kemur fram að samstarfið við hverfist ekki aðeins um árangur einstaka leikmanna heldur að efla enn frekar rafíþróttaumhverfið á Íslandi og skapa íslensku afreksfólki svigrúm til þess að láta virkilega að sér kveða á alþjóðavettvangi.
„Með því að auðvelda spilurum og þjálfurum aðgang að menntun og keppnisumhverfi á heimsmælikvarða mun þetta samstarf styrkja tengslin milli rafíþróttasenunnar á Íslandi og hins breiða alþjóðlega leikjasamfélags.“
Þorsteinn er síðan nefndur sérstaklega í þessu sambandi sem rakið dæmi um hversu öflugt rafíþróttafólk geti sprottið upp úr íslenska jarðveginum.
„Ég hef lifað bæði sigra og töp og ferillinn minn hefur kennt mér það eitt að það sem skiptir mestu máli er hvernig þú nýtir sérhverja reynslu til að bæta þig. Bæði sem leikmann og manneskju,“ segir Þorsteinn og beinir orðum sínum til ungs rafíþróttafólks með stóra drauma.
/frimg/1/52/97/1529738.jpg)
„Ég vona að saga mín geti veitt þér innblástur til að fylgja draumum þínum, hvort sem það er í Counter-Strike eða einhverju allt öðru. Ekki láta neinn stöðva þig. Ísland er lítið land, en draumar okkar eru stórir.
Það að vera frá litlu landi þýðir ekki að þú getir ekki haft risastór áhrif á heiminn. Ef ég gat unnið alþjóðleg mót og opnað dyr til menntunar og framtíðar í gegnum Counter-Strike, þá getur þú það líka.
/frimg/1/54/14/1541470.jpg)
Farðu út, gerðu mistök, lærðu af þeim og skilaðu þér aftur sterkari. Það er ekkert sem stoppar þig nema þú sjálfur. Þetta er bara byrjunin á ævintýrinu og nú er röðin komin að þér. Stattu upp, gríptu draumana þína og láttu þá rætast.“
Þorsteinn Friðfinnsson ræðir feril sinn og framtíðaráform í ítarlegu viðtali sem birtist hér á föstudaginn.
Talsverð tíðindi í könnun Gallup í Reykjavík
Tollar Trumps: Sjáðu listann
Þorgerður um nýjustu vendingar: „Honum var alvara“
Biður um svigrúm til að fara yfir málin
Ríkisstjórnin sökuð um brot á lögum
Flæðir enn í kvikuganginn úr Svartsengi
Byssumaðurinn: „Versti dagur í mínu lífi“