Íþróttir | Formúla 1 | mbl | 25.4.2006 | 17:30

Montoya fljótastur í Silverstone

Juan Pablo Montoya hjá McLaren ók hraðast í Silverstone í dag. reuters

Juan Pablo Montoya gerði sér mat úr nýjustu útgáfu Mercedes-mótorsins sem knýja mun McLarenbílinn og setti besta brautartíma 14 ökuþóra á fyrsta degi bílprófanalotu í Silverstone í Englandi í dag.

Montoya notaði þrjá umganga af nýjum dekkin síðasta stundarfjórðunginn og velti þá Jenson Button hjá Honda úr efsta sæti lista yfir hröðustu hringi dagsins.

Vindasamt var í Silverstone í dag og rigning í morgun. Brautin var því ekki þurr fyrr en eftir klukkan 14 að staðartíma.

Button einbeitti sér að prófunum á uppsetningum bílsins í þeim tilgangi að reyna yfirstíga vandamál sem tengjast nýtingu dekkjanna.

Vélræn bilun varð í Renaultbíl Fernando Alonso sem nafm staðar í miðri braut af þeim sökum. Einnig stöðvuðu vélrænar bilanir æfingar Red Bull-þóranna David Coulthard og Christian Klien.

Niðurstaða æfingarinnar varð annars sem hér segir:

Röð	Ökuþór	Bíll	Dekk	Tími	Hri.
1.	Montoya	McLaren	(M)	1:21.087	41
2.	Button	Honda	(M)	1:21.118	59
3.	Kovalainen	Renault	(M)	1:21.232	86
4.	Alonso	Renault	(M)	1:21.309	32
5.	Davidson	Honda	(M)	1:22.085	68
6.	Wurz	Williams	(B)	1:22.216	91
7.	Klien	Red Bull	(M)	1:22.228	36
8.	Rosberg	Williams	(B)	1:22.256	108
9.	Villeneuve	BMW	(M)	1:22.258	58
10.	Kubica	BMW	(M)	1:22.712	58
11.	Jani	Toro Rosso	(M)	1:23.350	84
12.	de la Rosa	McLaren	(M)	1:23.358	38
13.	Coulthard	Red Bull	(M)	1:23.770	15
14.	Mondini	MF1	(B)	1:24.471	25