Ferrari frumsýndi 53. keppnisbíl sinn í formúlu-1 við æfingabraut liðsins í Fiorano á Ítalíu í dag, en hermt er að hann muni taka gagngerum breytingum fram að keppnistímabilinu. Sömuleiðis er bíllinn talsvert frábrugðin keppnisbíl fyrra árs.

Ferrari varð í öðru sæti í keppni bílsmiða á eftir Renault í fyrra og hyggst freista þess með talsvert breyttum bíl að snúa því dæmi við í ár.

Þannig tekur framfjöðrunin stakkaskiptum og fullyrða talsmenn Ferrari að þar sé um nýsköpun að ræða hvað hugmyndafræði og loftafl varðar.

Ennfremur hefur lögun hliðarbelgjanna verið breytt og einnig loftopum þeirra. Er það liður í nýrri útfærslu kælikerfa mótorsins. Þá breytist loftinntaki hans á hvalbaknum aftan ökumanns.

Hermt er að þessar breytingar hafi haft í för með sér að Ferraribíllinn sé um 10 kílóum þyngri í ár en í fyrra.

AFturfjöðrunin er sögð ámóta þeirri í fyrra en ætlunin er að þróa hana mjög næstu vikur og mánuði. Bíllinn er með lengra hjólhaf en forverinn.

Bílnum verður frumekið í Fiorano-brautinni á morgun og hefur Felipe Massa verið falið það hlutverk.

Fjöðrunin er nýjung. ap

Tengdar fréttir

Formúla-1/Ferrari

Ferrari hefur lært lexíu

• Vettel á því að geta landað titli
• Vettel semur við Aston Martin
• Bítast um Vettel
• Arftaki Binotto sagður fundinn

» Fleiri tengdar fréttir

• 1 blogg um fréttina

Bloggað um fréttina

• Ólafur Þórðarson: Þrífarar.